Yuriy Sedykh
Yuriy Georgiyevich Sedykh (11 Junie 1955 - 14 September 2021) was 'n baan- en veldatleet wat die Sowjetunie van 1976 tot 1991 in hamergooi verteenwoordig het. Hy was 'n Europese, Wêreld- en Olimpiese kampioen en hou die wêreldrekord met 'n afstand van 86,74 m in 1986.
Loopbaan[wysig | wysig bron]
Sedykh is in Novocherkassk, Rusland, gebore en het in Nikopol, Oekraïne, grootgeword. Hy het in 1967 begin om atletiek te oefen onder leiding van die afrigter Vladimir Volovik. Hy het in Burevestnik en later by die Gewapende magte se sportvereniging in Kijif geoefen. Later het hy die rang van majoor in die Sowjetleër behaal. Vanaf 1972 word hy afgerig deur Anatoliy Bondarchuk, wat algemeen beskou word as een van die beste hamergooi afrigters ter wêreld. In 1973 word hy lid van die Sowjetunie se Nasionale Junior Atletiekspan.[1]
Mededinging[wysig | wysig bron]
Sedykh het goue medaljes verower tydens die Olimpiese Spele 1976 en die Olimpiese Spele van 1980. Hy was ook eerste op die Goodwill Games in 1986. Hy het 'n wêreldrekord van 86,74 m op die Europese kampioenskappe in Stuttgart in 1986 opgestel, waar hy sy derde titel agtereenvolgens verower het. Hy het ook eerste op die Wêreldkampioenskappe in 1991 gekom.[2][3]
Slegs Sedykh en Sergey Litvinov het verder as 86 meter in die geskiedenis van dié sport gegooi.
Sedykh se wêreldrekord van 1986 word opgemerk vir sy langlewendheid en dat dit dateer uit 'n tyd toe atletiek die omvang van die gebruik van prestasieverbeterende dwelmgebruik begin besef het. In sy boek The Rodchenkov Affair in 2020 het die Russiese fluitjieblaser tov middelmisbruik, Grigory Rodchenkov, gesê dat Sedykh 'n swaar gebruiker van steroïedes was. Sedykh het egter die aantygings van middelmisbruik ontken.
Afrigting[wysig | wysig bron]
Sedykh het na sy uittrede Franse hamergooiers afgerig, byvoorbeeld Nicolas Figère (80,88 m).
Tegniek[wysig | wysig bron]
Anders as baie gooiers, het Sedykh drie rotasies eerder as vier gebruik. Hy het ook gereeld met ligter of swaarder hamers geoefen. Sy tegniek was gebaseer op die 'stoot' van die bal na links en toelaat dat die hamer hom laat draai.
Persoonlike lewe[wysig | wysig bron]
Sedykh was voorheen met die Sowjet-200m Olimpiese kampioen Lyudmila Kondratyeva getroud, en trou daarna met die voormalige Sowjet-damesskut en rekordhouer daarin, Natalya Lisovskaya, wat goud verower het tydens die Olimpiese Spele in 1988. Hulle het 'n dogter, Alexia, gebore in 1993, wat die eerste in die dameshamergooi op die 2010 Olimpiese spele in Singapoer gekom het. Sedykh en sy gesin verhuis na Parys, Frankryk, waar hy krag en kondisionering op hoëronderwysvlak afgrig.
Sedykh is op 14 September 2021 op 66-jarige ouderdom in Frankryk oorlede aan 'n hartaanval.
Verwysings[wysig | wysig bron]
- ↑ "Revision of results following sanctions of Tsikhan and Ostapchuk| News".
- ↑ "Yuriy Sedykh, hammer world record holder, dies at 66". AP News (in Engels). 14 September 2021. Besoek op 28 Junie 2023.
- ↑ Dr Grigory, Rodchenkov (2020). The Rodchenkov Affair. United Kingdom: WH Allen. pp. 37–39. ISBN 9780753553329.
