Stuttgart

in Wikipedia, die vrye ensiklopedie
Spring na: navigasie, soek

Stuttgart
Stuttgart-Schlossplatz-at-night-denoised.jpg

Kaart Wapen
Locator map S in Germany.svg
Coat of arms of Stuttgart.svg
Logo
RegionStuttgartLogoVersion3farbig.gif
 Land Vlag van Duitsland Duitsland
 Deelstaat Flag of Baden-Württemberg (state, greater arms).svg Baden-Württemberg
 Koördinate 48°47′N 9°11′O
 Stigting 945
 Stadstatus 1219
 Oppervlakte:  
 - Totaal 207,36 vk km
 Hoogte bo seevlak 245 m
 Bevolking:  
 - Totaal (30 September 2013) 602 811[1]
 - Bevolkingsdigtheid 2 907/vk km
 - Metropolitaanse gebied 2 700 000
 - Metropolregion 5 300 000
 Tydsone UTC +1 (MET)
 - Somertyd UTC +2 (MEST)
 Burgemeester Fritz Kuhn (Grüne)
 Amptelike Webwerf stuttgart.de

Stuttgart is die hoofstad van die Suidwes-Duitse deelstaat Baden-Württemberg. Met 'n bevolking van 602 811 in die stadsgebied en sowat drie miljoen in die metropolitaanse gebied (Region Stuttgart) is dit die grootste stad in die deelstaat Baden-Württemberg en die sesde grootste in Duitsland. Stuttgart is die administratiewe en ekonomiese sentrum van Baden-Württemberg en vorm 'n stedelike distrik (Duits: Stadtkreis). Dit is ook die hoofstad van die administratiewe gewes Stuttgart van Baden-Württemberg met 'n bevolking van vier miljoen.

Die stad is weerskante die Neckarrivier in die hartland van die historiese streek Swabe geleë, temidde van 'n beboste gebied met wingerde en vrugteboorde. Oos en suid daarvan strek die berglandskappe van respektiewelik Swartwoud en Swabiese Alb.

Terwyl daar reeds in prehistoriese tye nedersettings in die huidige voorstad Bad Cannstatt gevestig is en die Romeine hier later 'n fort gebou het, het Stuttgart, soos sy naam in Duits aandui, sy oorsprong in 'n perdeboerdery (Oudhoogduits: Stuotgarten) gehad wat omstreeks 950 gestig is. Later is in die gebied, waar reeds die Romeine wingerde aangelê het, 'n wynbedryf gevestig. Nadat die nedersetting in die 13de eeu onder die bewind van die grawe van Württemberg gekom het, het dit stadstatus ontvang. Omstreeks 1320 het die grawe van Stuttgart hul permanente residensiestad gemaak, en ná 1482 het die stad agtereenvolgens as hoofstad van die graafskap, hertogdom, koninkryk en deelstaat Württemberg gedien.

Op 'n bloeitydperk in die 16de eeu het die verwoestings van die Dertigjarige Oorlog (1618–1648) en die Franse invalle onder Lodewyk XIV (1681–1684) gevolg wat 'n periode van agteruitgang ingelui het. Eers met die nywerheidsomwenteling in die 19de eeu het Stuttgart weer aansienlike groei ervaar.

Stuttgart het 'n trotse tradisie as bakermat van die motorbedryf: Mercedes-Benz Museum in die voorstad Bad Cannstatt

Vandag vervul Stuttgart nie net administratiewe funksies as setel van die deelstaatregering van Baden-Württemberg en die administrasie van die gelyknamige gewes nie, maar dien ook as 'n belangrike spoorwegsentrum langs 'n natuurlike roete wat die Donaugebied met Noord-Duitsland en die Ryn verbind. Die stad se rivierhawe is in 1958 geopen, terwyl sy internasionale lughawe tans met jaarliks sowat 9,7 miljoen passasiers die sesde grootste in Duitsland is.[2]

Ekonomie[wysig | wysig bron]

Stuttgart is die ekonomiese spilpunt van die grootste nywerheidsgebied in Suidwes-Duitsland en tree as gasheerstad van 'n verskeidenheid handelskoue en kongresse op. Alhoewel die nywerheidsektor tans 'n minder belangrike rol speel, is daar steeds bedrywe wat wêreldfaam geniet, soos elektriese ingenieurswese, masjienbou en motorvervaardiging (Mercedes-Benz en Porsche). Daarnaas word ook tekstiele, presisie-instrumente soos kameras en ander optiese toerusting, hout- en leerprodukte en musiekinstrumente plaaslik vervaardig. Van ewe groot belang is bierbrouerye, chemiese produkte en voedselvervaardiging, drukkerye en uitgewerye asook diensteverskaffing. Die stad vervul belangrike funksies vir die plaaslike wynboubedryf en is een van die voorste handelstede vir wynmakers en vrugteverbouers.

Besienswaardighede en museums[wysig | wysig bron]

Stiftskirche Stuttgart

Geboortes[wysig | wysig bron]

die Rosensteinpark in Stuttgart-Bad Cannstatt

Verwysings[wysig | wysig bron]

Eksterne skakels[wysig | wysig bron]

Commons-logo.svg
Wikimedia Commons het meer media verwant aan:
Stuttgart (kategorie)