Adam Smith

in Wikipedia, die vrye ensiklopedie
Spring na: navigasie, soek
Adam Smith
AdamSmith.jpg
Gebore 5 Junie 1723
Kirkcaldy, Fife, Skotland
Oorlede 17 Julie 1790 (op 67)
Edinburg, Skotland
Nasionaliteit Vlag van Skotland Skotland
Vakgebied Politieke filosofie, etiek, Ekonomie
Alma mater Universiteit van Glasgow
Bekend vir The Wealth of Nations, The Theory of Moral Sentiments
Beïnvloed deur Aristoteles, Hume, Hutcheson, Mandeville, Quesnay, Jean-Jacques Rousseau, Edmund Burke
Invloed op Bastiat, Friedman, Keynes, Malthus, Marx, Mill, Ricardo, Friedrich von Hayek, Jean-Baptiste Say, Georg Wilhelm Friedrich Hegel, Thomas Hodgskin
Adam Smith signature 1783.svg

Adam Smith (* 5 Junie 1723, † 17 Julie 1790) was 'n Skotse ekonoom wat gesien word as die grondlegger van die klassieke liberalisme.

Hy was van mening dat die nastrewe van die eie indiwiduele belang in die beste maatskaplike belang is. 'n Vrye mark sou volgens hom die meeste vir die samelewing as 'n geheel oplewer. 'n "Onsigbare hand" van hierdie vrye mark sou die aanwending van hulpbronne effektief organiseer, wat tot harmonie en ewewig sou lei.

Adam Smith is in Kirkcaldy, Fife in Skotland gebore en het aan die Universiteit van Glasgow moraalfilosofie gestudeer waarna hy met 'n beurs aan Balliol College, 'n onderdeel van die Universiteit van Oxford, gaan studeer het. In 1748 het hy aan die Universiteit van Edinburgh begin doseer. In 1751 is hy tot hoogleraar in die logika aan die Universiteit van Glasgow benoem; hierdie funksie is in 1752 op die gebied van die moraalfilosofie voortgesit.

In 1778 is hy as kommisaris van die doeane in Skotland aangewys en het hy by sy moeder in Panmure House in Edinburgh se Canongate gaan woon.

Sy belangrikste werk, An Inquiry into the Nature and Causes of the Wealth of Nations ('n ondersoek na die aard en oorsake van die rykdom van nasies; gewoonlik kortweg na verwys as The Wealth of Nations — 1776), het hy aan die Amsterdamse bankier Henry Hope opgedra. In The Wealth of Nations het Smith die basis vir die ekonomiese liberalisme gelê. Dit het gou en gemaklik ingang gevind in die toe nuut onafhanklike Verenigde State en in die Verenigde Koninkryk, as gevolg van die ekonomiese krisis wat deur die Amerikaanse Onafhanklikheidsoorlog veroorsaak is. Uiteindelik sou hierdie publikasie die doodsteek beteken vir die merkantilisme, wat eeuelang die ekonomie in Europa beheer het.

Naas hierdie werk het hy The Theory of Moral Sentiments geskryf, waarin hy sy etiek uiteengesit het.

Eksterne skakels[wysig]