Afrikaanse sperwer
| Afrikaanse sperwer | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Bewaringstatus | ||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Accipiter tachiro (Daudin, 1800) |
Afrikaanse Sperwer (African Goshawk) Accipiter tachiro (160) Lengte: 36-46
Dié voël word dikwels misgekyk aangesien hy in digte plantegroei jag. Hy word die maklikste gesien waar hy vroeg soggens oor die boomtoppe vlieg en herhaaldelik roep.
Inhoud |
Algemeen [wysig]
Beskrywing: Hierdie spesie se hele borskant is dwarsgestreep, dit het nie wit aan die kruis nie en die geel oog en grys washuid onderskei volw. van ander valke wat amper so lyk. Geslagte hoogs dimorfies; klein mannetjie se rugkant is blouerig-grys en hy het rooibruin dwarsstrepe aan sy borskant en twee wit kolle op sy stert (soos Klein Sperwer); wyfies is groter, bruin aan die rugkant, het bruin dwarsstrepe aan die borskant en kolle op die stert is afwesig. Jong voël het duidelike vlekke aan borskant en word van jong Klein Sperwers onderskei aan grys washuid, en van jong Koekoekvalk aan kleiner vorm, langer bene en afwesigheid van die kuif. Habitat: Immergroen en rivierwoude, boswêreld met groot bome en boomryke voorstede. Status: Algemene standvoël. Soortgelyke spesie: Klein Sperwer. Roep: Lawaaierige; kort 'whiet'- of 'tjip' geluid in vlug of vanuit uitkykpos. Wyfie het 'n miaauende 'kieeoee'- roep. Dieet: Duiwe en Tiptolle is hulle vernaamste prooi en word met 'n duikslag uit versteekte uitkykplek gevang.
Broeigewoontes [wysig]
Plek: Afrikaanse Sperwers bou hul neste bo in hoë bome, met 'n voorkeur vir die inheemse flora soos Ficus, Breonadia en Syzygium maar hou ook van uitheemse bome soos bloekoms (Eucalyptus). Nes: Soos die Kleinsperwer bou die Afrikaanse sperwer 'n platvorm van stokkies en voer dit met groen blare uit. Seisoen: September tot November (hoofsaaklik Oktober). Getal eiers: 2-3. Broeitydperk: Sowat 35 dae. Kuikenstaduim: Sowat 35 dae.
Habitat [wysig]
Habitat: Dié voël sal tuine besoek met groot lowerryke bome en digte plantegroei. Kosvereistes: 'n Goeie bevolking kleiner voëls en reptiele sal daarnatoe lei dat die Afrikaanse sperwer gereeld kom besoek aflê in die tuin en soms ook 'n broeibewooner word. Nesmaak: Hoë bome is noodsaaklik: hoewel neste soms vier meter bo die grond gebou word, is die gemiddelde hoogte van die Afrikaanse Sperwer se nes nader aan agt meter.
Sien ook [wysig]
- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Verwysings [wysig]
- ↑ BirdLife International (2008). Accipiter tachiro. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 19 Februarie 2009.
