Altus Theart
| Altus Theart | |
| Nasionaliteit | Suid-Afrikaner |
|---|---|
| Beroep(e) | Akteur |
| Webwerf | http://www.altustheart.co.za/ |
| Internet-rolprentdatabasis-profiel | |
Altus Theart is ’n Suid-Afrikaanse akteur wat in TV-, film- en teaterproduksies optree. Hy is veral bekend vir sy rol as Werner ‘Killer’ Botha in die Bakgat-rolprente, asook as Fafa Beltrame in kykNET se drama, Getroud Met Rugby.
Theart het in 2006 ’n diploma in Drama van die Tshwane-Universiteit van Tegnologie verwerf, waar hy in teaterdans, sang en regie gespesialiseer het. Tydens sy studies het hy in verhoogproduksies soos A Midsummer Night’s Dream, The Crucible en die KKNK-produksie, Skimmespel opgetree. Hy het ook in Deon Opperman se Tree aan!, ’n musiekblyspel oor die Grensoorlog opgetree.
Hy sing ook en ’n paar van sy musiekvideo’s is op MK89 uitgesaai.
Op 6 Januarie 2012 trou hy met die aktrise, Zetske van Pletzen naby Bronkhorstpruit. Hulle het mekaar tydens die verfilming van Kruispad ontmoet.
Filmografie
[wysig | wysig bron]- Verraaiers, 2013 as Kruger
- Stilte, 2012
- Roepman, 2011 as Zane
- Getroud met Rugby: Die Onvertelde Storie, 2011 as Fafa Beltrame
- Bakgat! II, 2010 as Werner ‘Killer’ Botha
- Getroud met rugby (TV-reeks), 2009 as Fafa Beltrame
- Kruispad (TV-reeks), 2008 as Henk Landman
- Bakgat!, 2008 as Werner ‘Killer’ Botha
