Amerikaanse Gewapende Magte

in Wikipedia, die vrye ensiklopedie
Spring na: navigasie, soek

Die Amerikaanse Gewapende Magte (Eng: United States Armed Forces) is die gewapende magte (of weermag) van die Verenigde State van Amerika. Dit bestaan uit die Amerikaanse Leër, Amerikaanse Vloot, Amerikaanse Mariene Korps, Amerikaanse Lugmag, en die Amerikaanse Kuswag.

Amerika het 'n sterk tradisie van siviele beheer oor hul weermag. Die President is die weermag se opperhoof, en help om militêre beleid te vorm saam met die Verenigde State se Departement van Verdediging (DoD). Die DoD se hoof is die V.S. Sekretaris van Verdediging, wat 'n siviele persoon en kabinetslid is. Die Sekretaris van Verdediging is tweede-in-bevel van alle militêre magte, nét na die President, en dien as die hoofassistent van die President in alle verdedigingsake.

Die gewapende magte van die Verenigde State van Amerika is 'n belangrike instrument in die handhawing van die buitelandse beleid van die Verenigde State van Amerika en die globale posisie van die land is van kardinale belang. Die weermag is reeds vir dekades die beste toegerus, en na die People's Liberation Army van die Volksrepubliek van Sjina, die tweede grootste militêre mag (personeelgewys) in die wêreld.

Personeel in elke gevegskomponent[wysig]

Komponent Militêr Onderoffisier Offisier Vroulik Siviel
United States Department of the Army Seal.svg Amerikaanse Leër 541,291 438,670 98,126 75,507 299,644
USMC logo.svg Amerikaanse Mariene Korps 195,338 173,474 21,864 13,493 20,484
US-DeptOfNavy-Seal.svg Amerikaanse Vloot 317,237 260,253 52,546 51,385 179,293
Seal of the US Air Force.svg Amerikaanse Lugmag 333,772 265,519 64,290 63,310 174,754
US-CoastGuard-Seal.svg Amerikaanse Kuswag 42,357 6,790 7,057
Totaal Aktief 1,429,995 1,137,916 236,826 210,485 688,628
US Army National Guard Insignia.svg Amerikaanse Nasionale Leërwag 358,200
United States AR seal.svg Amerikaanse Reserwe Leër 205,000
MarforresLogo.jpg Amerikaanse Reserwe Mariene Korps 39,600
United States NR Seal.svg Amerikaanse Reserwe Vloot 62,500
Air national guard shield.svg Amerikaanse Nasionale Lugwag 105,700
Air Force Reserve Command.png Amerikaanse Reserwe Lugmag 70,880
United States Coast Guard Reserve emblem.png Amerikaanse Reserwe Kuswag 9,000
Totale Reserwemagte 850,880
Ander DoD Personeel 108,833

Omvang[wysig]

Die vyf takke van die gewapende magte beskik oor meer as 1,4 miljoen aktiewe soldate en byna 1,1 miljoen reserviste, wat in die geval van oorlog aangevul word deur die Kuswag. Hulle beskik ook oor meer as 745,000 burgerlike werknemers.[1] Die oudste deel is die leër, wat in 1775 gestig is, en die mees onlangse is die Lugmag, wat in 1947 gestig is.

Volgens onafhanklike bronne en navorsing is bevind dat die Gewapende Magte van die Verenigde State van Amerika die sterkste ter wêreld sou wees. Hierdie impak is gebaseer op die jaarlikse grootste militêre begroting (vergelyking: VSA: meer as VS$ 554 miljard, Duitsland: VS$ 46 miljard) in die wêreld, waarvan die grootste deel gaan vir opleiding, inligtingvloei, netwerking, toerusting en navorsing. Die begroting was in die begrotingsjaar 2013 ongeveer VS$ 554,2 miljard (sowat 4% van die totale BBP).[2]

Baanbrekerswerk in tegniese innovasies en personeel-ontwikkelingsprogramme in die Amerikaanse Weermag word met NAVO-lede en sy bondgenote gedeel, waarvan die VSA en Verenigde Koninkryk die belangrikste lede is. [3]


Verwysings[wysig]

Hierdie artikel is in sy geheel of gedeeltelik vanuit die Duitse Wikipedia vertaal.