Amerikaanse Kuswag

in Wikipedia, die vrye ensiklopedie
Spring na: navigasie, soek
'n Verskeidenheid uniforms soos gedra deur lede van die Amerikaanse Kuswag.
Seël van die V.S. Kuswag
Paradevlag van die V.S. Kuswag

Die Amerikaanse Kuswag (Engels: United States Coast Guard (afgekort USCG)) is 'n tak van die Verenigde State Gewapende Magte, en die kleinste van die land se sewe uniformdienste. Die Kuswag is 'n maritieme, militêre, multi-missiediens uniek onder die Amerikaanse militêre takke omrede die feit dat 'n maritieme wetstoepassingsfunksie (met jurisdiksie in beide plaaslike en internasionale waters) en 'n federale regulerende agentskapsmissie as deel van sy opdragte tel. Dit word bedryf onder die Amerikaanse Departement van Binnelandse Veiligheid (Department of Homeland Security (DHS)) tydens vredestyd, maar kan oorgedra word na die VSA Departement van die Vloot deur die Amerikaanse President te eniger tyd gedurende oorlog, of deur die Amerikaanse kongres. Tot op datum het dit tweekeer gebeur, in 1917 en 1941, tydens die Eerste- en die Tweede Wêreldoorlog.

Dit is die deel van die Amerikaanse gewapende magte wat verantwoordelik is vir maritieme wetstoepassing, soek en redding, nasionale verdediging en alle ander kuswagtake. Dit het 'n missie om die publiek, die omgewing en ekonomiese en veiligheidsbelange van die Verenigde State in elke maritieme streek waar die belange in gevaar kan wees, waaronder internasionale waters en Amerika se kus, hawens en binnelandse waterweë te beskerm.

Die Amerikaanse Kuswag het 'n breë en belangrike rol in wetstoepassing, soek en redding, reaksie op maritieme omgewingsbesoedeling en die onderhoud van die navigasiestelsels op die riviere en op see. Die Kuswag het meer as 42,000 manne en vroue op aktiewe diens, 8,100 reserviste, 7,000 voltydse burgerlike werknemers plus 35,000 handlangers.

Die leuse van die Kuswag is Semper paratus, wat "Altyd Paraat" beteken. Die Kuswag het meegedoen aan alle konflikte van die Verenigde State van Amerika, van die landingstroepe op D-Dag en in die Stille Oseaan tydens die Tweede Wêreldoorlog, tot uitgebreide patrollies en kusbombardemente tydens die Viëtnamoorlog en die Irakoorlog in 2003.

Galery[wysig]

Commons-logo.svg
Wikimedia Commons het meer media verwant aan:
Amerikaanse Kuswag (kategorie)
Hierdie artikel is in sy geheel of gedeeltelik vanuit die Engelse Wikipedia vertaal.