Armia Krajowa

in Wikipedia, die vrye ensiklopedie
Spring na: navigasie, soek
Flaga PPP.svg

Armia Krajowa (AK) (die "Tuisleër"), was die oorheersende Poolse versettingsbeweging tydens die Tweede Wêreldoorlog in die Duits-besette Pole. Dit was gevorm in Februarie 1942 uit die Zwiazek Walki Zbrojnej (Unie vir Gewapende Stryd) en oor die volgende twee jaar het die meeste ander Poolse ondergrondse magte ook by hulle aangesluit. Die AK is in Januarie 1945 ontbind, toe die Poolse gebied grotendeels van Duitse magte ontruim is deur die Sowjetse Rooi Leër.

Met oor die 400,000 lede was Armia Krajowa verreweg die grootste Poolse ondergrondse versettingsbeweging en die wêreld se grootste naas die Partisane van Joegoeslawië. Dit het ook die gewapende vleul van die "Poolse Geheime Staat" ("panstwo podziemne") gevorm.

AK se primêre aktiwiteit was die sabotering van Duitse vervoermiddels op pad na die Oosterse front in die Sowjetunie. AK het ook volskaalse gevegte teen die Duitsers geveg, in besonder in 1943 en 1944 tydens Operasie Storm.