Asiatiese wildekat

in Wikipedia, die vrye ensiklopedie
Spring na: navigasie, soek
Asiatiese wildekat
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Felidae
Genus: Felis
Spesie: F. silvestris
Subspesie: F. s. ornata
Trinomiale naam
Felis silvestris ornata
(Gray, John Edward, 1830–1832)

Die Asiatiese wildekat (Felis silvestris ornata) is ’n subspesie van die wildekat wat van die oostelike Kaspiese See-gebied tot in Wes-Indië voorkom, asook noord tot by Kazachstan en wes tot by Sjina en Suid-Mongolië. Dit is die mees algemene wildekat en word sedert 2002 op die IUBN-rooilys as veilig aangedui.[1] Hulle word dikwels bedags opgemerk.

Dit is ook bekend as die Asiatiese steppewildekat en Indiese woestynkat.[2]

Beskrywing[wysig]

Die wildekat van Sentraal-Asië verskil van sy Europese eweknie deurdat dit ’n meer grys-geel of rooierige agtergrondkleur het, met duidelike klein swart en rooi-bruin kolle wat op plekke strepe vorm.

Verspreiding[wysig]

Die Kaukasus is die oorgangsone tussen die Europese wildekat in die noorde en weste en die Asiatiese wildekat in die suide en ooste. Albei die katte kom in dié gebied voor. In Afganistan is die Asiatiese wildekat reeds voor 1973 aangeteken in die Sentraal-Hazarajat—berge en die steppe, van Shibar-pas naby Herat en in die Bamyan-provinsie.[3] In Indië word hulle hoofsaaklik in beboste woestyngebiede aangetref.[4]

Verwysings[wysig]

  1. 1,0 1,1 Driscoll, C., Nowell, K. (2010). “Felis silvestris”. IUCN Rooilys van Bedreigde Spesies. Weergawe 2011.2.. Internasionale Unie vir die Bewaring van die Natuur.
  2. Nowell, K., Jackson, P. (1996) Asiatic Wildcat Felis silvestris, ornata group (Gray 1830)
  3. Habibi, K. 1977. The mammals of Afghanistan: their distribution and status. Unpublished report to the UNDP, FAO and Ministry of Agriculture, Kabul.
  4. Sharma, I. K. 1979. Habits, feeding, breeding and reaction to man of the desert cat Felis libyca (Gray) in the Indian Desert. Journal of the Bombay Natural History Society 76(3): 498–499.

Eksterne skakels[wysig]

Commons-logo.svg
Wikimedia Commons het meer media verwant aan:
Asiatiese wildekat (kategorie)


Hierdie artikel is vertaal van die Engelse Wikipedia