Wildekat

in Wikipedia, die vrye ensiklopedie
Spring na: navigasie, soek
Wildekat
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Felidae
Subfamilie: Felinae
Genus: Felis
Spesie: F. silvestris
Binomiale naam
Felis silvestris
(Von Schreber, Johann Christian Daniel, 1775[2])
Die vyf subspesies van Felis silvestris volgens ’n DNS-studie in 2007.
Die vyf subspesies van Felis silvestris volgens ’n DNS-studie in 2007.
Subspesies

Sien teks

Die wildekat (Felis silvestris) is ’n spesie in die familie van katagtiges waarvan subspesies in Europa, Afrika en Wes- en Sentraal-Asië aangetref word. Aangesien hulle volop voorkom, word hulle sedert 2002 op die IUBN-rooilys as "laer risiko" aangedui.[1]

Die Afrika-wildekat of vaalboskat is die voorvader van alle huiskatte. Die woestynkat (Felis margarita) is die naaste verwant aan die wildekat.

Verspreidingsgebied[wysig]

Die natuurlike verspreidingsgebied van die wildekat strek van Skotland en Wes-Europa tot in Sentraal-Asië en wes van Indië. Hulle kom ook in Afrika voor, behalwe in die sentrale reënwoudgordel.[1]

Subspesies[wysig]

Die voorkoms van verskeie plaaslike variëteite en die beskrywing van verskeie subspesies binne die groot verspreidingsgebied het vir ’n lang tyd tot verwarring gelei. Van 2007 af word vyf subspesies erken:[1]

  • Die Europese wildekat (Felis silvestris silvestris) kom voor in Brittanje, Europa en dele van Suidwes-Asië en word veral aan sy ruie stert uitgeken wat in ’n breë, stomp punt eindig. Die pels is dik en die streeppatroon meestal opvallend.
  • Die Afrika-wildekat of "vaalboskat" (Felis silvestris lybica) kom in Afrika, die Arabiese Skiereiland en aangrensende dele van Suidwes-Asië voor. Dit het ’n skerppuntstert, rooi kleur aan die agterkant van die ore en ’n onbeduidende streeppatroon.
  • Die Asiatiese wildekat (Felis silvestris ornata) kom voor van die Nabye-Ooste tot in Wes-Indië, Sentraal-Asië tot in Noordwes-Sjina en Mongolië. Hy lyk soos die Afrika-wildekat, maar die pels se patroon bestaan eerder uit kolle as strepe.
  • Die Suider-Afrikaanse wildekat (Felis silvestris cafra) van die suidelike en sentrale dele van Afrika, wat geneties verskil van die wildekatte in Noord-Afrika.
  • Die Sjinese bergkat (Felis silvestris bieti) kom voor in Wes-Sjina en word hoofsaaklik aangetref in die Qinghai-provinsie en moontlik in die noordwestelike Sichuan-provinsie.[3]

Beskrywing[wysig]

Die wildekat lyk in alle aspekte baie soos die huiskat. Hoewel laasgenoemde in talle kleure en patrone voorkom, is die wilde spesies lig geel tot medium bruin met swart strepe of kolle.

Wildekatte se grootte wissel van 36,5 tot 80 cm (kop en lyf), met ’n bykomende 21 tot 45 cm as die stert ingesluit word.[4] Hul skouerhoogte is sowat 25 tot 40 cm. Die katte se gewig verskil taamlik, maar die meeste weeg tussen 3 en 6 kg.[5][6]

Wildekatte maak dieselfde geluide as huiskatte: hulle spin, miaau, sis en grom.

Prooi[wysig]

Die wildekat is ’n vleisetende dier. Insekte en plante vorm net ’n klein deel van sy dieet. Al die subspesies se prooi bestaan hoofsaaklik uit klein soogdiere, hoofsaaklik knaagdiere, konyne en voëls.

Verwysings[wysig]

  1. 1,0 1,1 1,2 1,3 Driscoll, C., Nowell, K. (2010) Felis silvestris. In: IUCN 2011. Weergawe 2011.2.
  2. Schreber, J. C. D. 1777. Die wilde Kaze. In: Die Säugthiere in Abbildungen nach der Natur mit Beschreibungen. Volume 3: 397–400 ble. Wolfgang Walther, Erlangen.
  3. He, L., García-Perea, R., Li, M., Wei, F. 2004. Distribution and conservation status of the endemic Chinese mountain cat Felis bieti. Oryx 38(1): 55–61.
  4. [1] Zsienvis (2011).
  5. [2] Red Book (2011).
  6. Boitani, L. 1984. Simon & Schuster's Guide to Mammals. Simon & Schuster/Touchstone Books, ISBN 978-0671428051

Eksterne skakels[wysig]

Commons-logo.svg
Wikimedia Commons het meer media verwant aan:
Wildekat (kategorie)


Crystal txt.png

Hierdie artikel is vertaal van die Engelse Wikipedia en Duitse Wikipedia