Belfast-hawe

in Wikipedia, die vrye ensiklopedie
Spring na: navigasie, soek
'n Uitsig oor Belfast-hawe. Die foto is in 2012 op MS Stena Superfast VIII se agterdek geneem

Belfast-hawe (Engels: Belfast Harbour of Port of Belfast) is 'n belangrike seehawe in Belfast, Noord-Ierland wat die Noord-Ierse ekonomie en in 'n toenemende mate ook dié van die Republiek van Ierland bedien. Met jaarliks byna 1,4 miljoen passasiers, meer as 120 000 houers wat gehanteer word en 'n halfmiljoen vrageenhede is dit die tweede grootste hawe van Ierland.

Die Belfast-hawe is 'n belangrike nywerheids- en handelsentrum en speel 'n sleutelrol by logistiese aktiwiteite in Noord-Ierland. Sowat twee derdes van Noord-Ierland se seegebonde handel, en 'n kwart vir die hele Ierland, word deur die hawe, waar jaarliks 6 000 skepe aandoen, gehanteer. Die hawe is in die sentrum van Noord-Ierland se grootste nywerheids- en handelsone geleë, en twee derdes van die gebied se belangrikste werkgewers is binne 'n afstand van 15 kilometer van die hawe af gesetel.

Belfast-hawe is Ierland se leidende seehawe vir grootmaat-droëvrag (4,6 miljoen ton in 2012) en speel 'n oorheersende rol ten opsigte van invoere soos graan, veevoer, steenkool, kunsmis en sement. Meer as 95 persent van Noord-Ierland se ru-olie en olieprodukte word eweneens deur die hawe gehanteer.

Buiteskakels[wysig]