Burschenschaft

in Wikipedia, die vrye ensiklopedie
Spring na: navigasie, soek

Die Burschenschaft is 'n Duitse studentekorps (histories-tradisionele vereniging van studente en voormalige studente) in Duitsland, Oostenryk en Chili. Daar is twee groot sambreelorganisasies: Die Duitse Burschenschaft (Duitse naam: Deutsche Burschenschaft of kort DB) en die Nuwe Duitse Burschenschaft (Duitse naam: Neue Deutsche Burschenschaft of kort Neue DB) wat 'n afsondering van die Duitse Burschenschaft uit die jaar 1996 is. Benewens die twee verbande is daar enkele Burschenschaften buite die sambreelorganisasie en enkele Burschenschaften in ander organisasies wat nie vergelykbaar met die Burschenschaften binne die DB is nie. Die Burschenschaften verteenwoordig net 'n minderheid van tussen 15 en 20 persent van alle Duitse studentekorps.

Die DB erken die beginsels van die sogenaamde Urburschenschaft wat in 1815 in Jena gestig ist. Die Urburschenschaft het hom ná die Vryheidsoorloë teen die Napoleontiese Frankryk vir die stigting van 'n vrye nasionale Duitse eenheidstaat beywer.

In Suid-Afrika is daar 'n vereniging van ou Burschenschafter in Pretoria. Die voorsitter is ingenieur Wulf Rüsch.

Kritiek[wysig]

Alhoewel die Burschenschaften hulle wortels in die demokratiese en sosiale bewegings van die vroeë 19de eeu het, is die korps vanaf die middel van die 19de eeu deur 'n reaksionêre en nasionalistiese ideologie gekenmerk.[1] In die 1930's was talle Burschenschafters aanhangers van die Nazi-bewind.

Die tipiese rituele soos studenteduelle en biersuip weerspieël die tradisionele korpsgees en die hiërargiese struktuur van die Burschenschafter-beweging. Anti-demokratiese, rassistiese en seksistiese houdings is kenmerkend vir die verregse wêreldbeskouing van talle Burschenschaften.[2] Vanweë hul kontakte met verregse Neonazi-partye soos die Nasionaal-Demokratiese Party van Duitsland (NPD) en die Duitse Volksunie (DVU) word die aktiwiteite van enkele studentekorps deur die Binnelandse Veiligheidsdiens van Duitsland (Bundesverfassungsschutz) dopgehou.[3]

Verwysings[wysig]

  1. Bubrowski, Helene: Stützen der künftigen Gesellschaft. In: taz, 12 Oktober 2002. Aanlyn beskikbaar: taz-argief
  2. Bubrowski (2002)
  3. Bubrowski (2002)

Eksterne skakels[wysig]