Walvisagtiges

in Wikipedia, die vrye ensiklopedie
(Aangestuur vanaf Cetacea)
Spring na: navigasie, soek
Walvisagtiges
Tydperk: 55–0 m. jaar gelede
Vroeë Eoseen - Hede
Bultrugwalvis wat na die oppervlak kom
Wetenskaplike klassifikasie
Koninkryk: Animalia
Filum: Chordata
Klas: Mammalia
Infraklas: Eutheria
Superorde: Laurasiatheria

Sjabloon:Taksoboks norank entry Sjabloon:Taksoboks norank entry

Orde: Cetacea
Brisson, 1762
Diversiteit
Ongeveer 88 spesies
Subordes

Mysticeti
Odontoceti
Archaeoceti (uitgesterf)
Sien teks vir families

Die walvisagtiges of setaseë (Cetacea, Latyn: cetus, walvisë, uit Grieks) is 'n orde wat die walvisse, dolfyne, en seevarke insluit. Cetus is Latyn en word in biologiese name gebruik om "walvis" aan te dui; die oorspronklike betekenis was meer algemeen, "groot seesoogdier". Dit is afkomstig van die Antieke Grieks κῆτος (kētos), wat "walvis" of "enige reuse vis of seemonster" beteken het". In Griekse mitologie is die monster wat deur Perseus verslaan is, en in die sterrebeeld Cetus uitgebeeld word, Ceto genoem. Setologie is die tak van marienewetenskap wat handel oor die studie van walvisagtiges.

Walvisagtiges is dié soogdiere wat die beste aangepas is tot lewe in die water. Hulle liggame is spilvormig. Hulle voorste ledemate is tot vinpote aangepas. Die piepklein agterste ledemate is onontwikkeld; hulle is nie aan die ruggraat geheg nie en is binne die liggaam verberg. Die stert het horisontale stertvinne. Walvisagtiges is byna haarloos en word deur 'n dik laag walwisspek beskerm. As 'n groep word hulle gekenmerk deur hoë intelligensie.

Die orde Cetacea bevat ongeveer negentig spesies, almal seediere behalwe vir vier varswaterdolfynspesies. Die orde word in twee subordes onderverdeel, Mysticeti (balein- of baardwalvisse) en Odontoceti (tandwalvisse, wat dolfyne en seevarke insluit). Die spesies wissel in grootte van die Commerson se dolfyn en Tucuxi tot die blouwalvis, die grootste dier wat nog ooit bestaan het.

Verwysings[wysig]