Vis
| Visse | ||||||||||
|---|---|---|---|---|---|---|---|---|---|---|
 |
||||||||||
| Wetenskaplike klassifikasie | ||||||||||
|
'n Vis is 'n water-lewende gewerwelde (Latyns: vertebrata) dier met kiewe. Meeste visse is koudbloedig. Daar bestaan meer as 32 000 verskillende spesies visse in die wêreld.
Inhoud |
[wysig] Visse in Suider-Afrika
Suider-Afrika is geseën met visse as gevolg van sy ligging tussen die Atlantiese en Indiese oseane. Daar is 2 500 spesies wat voorkom in Suider-Afrika en 1 800 spesies kom voor op die kontinentale bank reg rondom Suider-Afrika. Die syfer groei jaarliks soos nuwe spesies in die area ontdek word. Sestien persent van die spesies is endemies aan Suider-Afrika.
Slegs 5% van die spesies kom voor in die Atlantiese Oseaan maar dit is die pelagiese spesies soos sardyn, snoek en ansjovis wat die kern vorm van die Suid-Afrikaanse kommersiële visbedryf. Die spesies wat in die Indiese Oseaan voorkom is sportvis.[1]
[wysig] Klassifikasie
Visse word geklassifiseer in die volgende hoofgroepe:
- Hyperoartia
- Pteraspidomorphi (vroeë kakebeenlose vis)
- Thelodonti
- Anaspida
- Cephalaspidomorphi (vroeë kakebeenlose vis)
- Gnathostomata (gewerweldes met 'n kakebeen)
- Placodermi
- Chondrichthyes (kraakbeenvisse)
- Acanthodii
- Osteichthyes (beenvisse)
- Actinopterygii (straalvinvisse)
- Sarcopterygii (lobvinvisse)
[wysig] Definisies
Die volgende terme word gebruik om visse en hul omgewing mee te beskryf:
- Amfipode: klein skaaldiertjies met liggaam sydelings afgeplat en sonder 'n karapaks. Dien as voedsel vir visse.
- Anale vin: 'n enkele vin agter die anus, net voor die stertvin.
- Bekkenvinne: sit agter die borsvin onder die pens voor die anale vin en vorm 'n paar.
- Detritus: dooie en verrottende plant- en diermateriaal.
- Dorsaal: op die rugkant of bokant van 'n vis.
- Dorsale vin: vin of vinne op die rug van die vis.
- Endemies: spesies beperk tot of inheems slegs tot 'n sekere gebied.
- Estiveer: somerslaap
- Hermafrodiet: tweeslagtigheid
- Kieukamme: een of twee rye uitsteeksels op binnesy van kieuboog, dien om voedsel uit water te filtreer, ook kieuharke genoem.
- Operkulum: dekselagtige struktuur wat die opening van sekere slakke seël en teen uitdroging beskerm; ook die kieudeksel by visse wat die kieusplete bedek en beskerm.
- Pektorale vinne: borsvinne, sit direk bo of onder kieusplete agter die kop en vorm 'n paar.
- Standvisse: visse wat nie migreer na ander gebiede vir teeldoeleindes nie.
- Sylyn: lyne van die kop na die stert aan weerskante van die vis, min of meer in die middel van die lyf. Dit dien as 'n sintuig.[2]
[wysig] Lyste van visse
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van visfamilies
- Lys van varswater-akwariumvisspesies
- Lys van seewater-akwariumvisspesies
[wysig] Sien ook
- Igtiologie, die studie van visse.
[wysig] Verwysings
- ^ Coastal Fishes of Southern Africa. Phil & Elaine Heemstra. 2004. ISBN 1-920033-01-7
- ^ Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
