Chabarofsk

in Wikipedia, die vrye ensiklopedie
Spring na: navigasie, soek
Vir ’n artikel oor die krai met dieselfde naam, sien Chabarofsk-krai.
Chabarofsk
Хабаровск
Die hoofstraat van Chabarofsk
Die hoofstraat van Chabarofsk
Vlag van Chabarofsk
Vlag
Wapen van Chabarofsk
Wapen
Ligging van Chabarofsk op 'n kaart (Chabarofsk-krai)
Chabarofsk
Chabarofsk
Koördinate: 48°29′N 135°04′O
Land Vlag van Rusland Rusland
Deelgebied Chabarofsk-krai
Stigting 1858
Regering
 - Tipe Stadsraad
 - Burgemeester Aleksander Sokolof
Bevolking (2010)
 - Stad 577 668
Tydsone UTC+11:00 (UTC)
Webwerf: http://khabarovskadm.ru/

Chabarofsk (Russies: Хаба́ровск) is die hoofstad en grootste stad in Chabarofsk-krai, Rusland. Dit is sowat 30 km van die Sjinese grens geleë en is die tweede grootste stad in die Russiese Verre-Ooste naas Wladiwostok. Die inwonertal is 577 668 (2010-raming).

Die stad lê aan die samevloei van die Amoer- en Oessoeri-rivier, sowat 800 km noord van Wladiwostok en 8 523 km van Moskou.

Geskiedenis[wysig]

Die Russiese ontdekkingsreisigers van die 1650's het ’n paar tydelike forte aan die Amoer gebou. Een van die eerstes is in September 1651 gebou deur Jerofei Chabarof. Daar word al lank oor die presiese ligging gedebatteer.[1]

Nog ’n groot groep Kosakke onder Onoefri Stepanof het ná Chabarof gearriveer en was tot in 1658 aktief in die gebied. In dié jaar het Mantjoe-magte Stapanof naby die mond van die Soengari-rivier ontmoet en 270 Russe vermoor.

Ná die Verdrag van Nertsjinsk in 1689 het die gebied vir ’n eeu en ’n half deel van die Qing-ryk geword. In 1858 is die gebied kragtens die Verdrag van Aigun aan die Russe gegee en het Rusland die militêre buitepos Chabarofka daar gestig. In 1894 is ’n departement van die Russiese Geografiese Vereniging daar gestig en dit het biblioteke, teaters en museums in die stad begin bou. Sedertdien het Chabarofsk se kulturele lewe gefloreer.

In 1916 is die Chabarofsk-brug oor die Amoer voltooi. Dit het die Transsiberiese treine in staat gestel om die rivier oor te steek sonder die hulp van veerbote of die oprigting van tydelike spore. Teen 1941 is ’n tonnel ook voltooi.

Verwysings[wysig]

Eksterne skakels[wysig]