Christopher Wren

in Wikipedia, die vrye ensiklopedie
Spring na: navigasie, soek
Christopher Wren
Christopher Wren by Godfrey Kneller 1711.jpg
Doopnaam: Christopher Wren
Geboorte: 20 Oktober 1632; East Knoyle, Wiltshire, Engeland
Oorlede: 25 Februarie 1723; Londen, Engeland
Beroepsvelde: Argitektuur, fisika, wiskunde en sterrekunde

Sir Christopher Wren (20 Oktober 163225 Februarie 1723) was 'n Britse wetenskaplike en argitek. Wren het 53 kerke ontwerp, waaronder St. Paul se Katedraal, asook baie ander merkwaardige geboue. Hy was ook die stigter van die Royal Society (waarvan hy president was van 1680 - 1682) en sy wetenskaplike werke is deur beide Sir Isaac Newton en Blaise Pascal aangeslaan.

Wren is na sy dood in Sint Paul se Katedraal begrawe. Die opskrif op die eenvoudige grafsteen lees Lector, si monumentum requiris, circumspice: "Leser, as u sy monument soek, kyk om u heen". Dit is veral vir dié gebou dat Wren vandag nog bekend is; die katedraal is een van die min in Engeland wat na die Middeleeue gebou is. Ná die Groot Brand van Londen in 1666 is Wren genader om die ruïnes van die verwoeste katedraal opnuut te laat herrys. Wren was gefassineer deur die koepels wat hy tydens sy besoeke aan Frankryk gesien het en die ontwerp en die bou van die katedraal het van 1675 tot 1710 geduur.

In die tussentyd het Wren baie ander gebou ontwerp, waaronder 50 ander kerke, waarvan baie nog steeds bestaan. Hy het ook 'n monument ter herinnering aan die verwoestende brand ontwerp, wat algemeen bloot as "Die Monument" bekend staan.

Galery[wysig]

'n Paar van Wren se ontwerpe: