Coca-Cola
in Wikipedia, die vrye ensiklopedie
Coca-Cola, soms ook Coke genoem, is 'n tipe gaskoeldrank. Die koeldrank is die wêreld se topverkoper-drankie en word in meer as 200 lande oor die wêreld verkoop.[1] Dit word deur die Coca-Cola-maatskappy vervaardig. Hulle hoofkantoor is in Atlanta, Georgia, VSA en hulle grootste kompetisie is Pepsi.
Geskiedenis [wysig]
Coca-Cola is in 1886 deur 'n Amerikaanse apteker, John Pemberton in Atlanta geskep. Dit is aanvanklik slegs by sodapompe (soda fountains) te koop aangebied.
Coke in Suid-Afrika [wysig]
Coca-Cola is vir die eerste keer in 1938 in Suid-Afrika by 'n sodapomp by die Waldorf Café in St. George-straat in Kaapstad verkoop. Diet Coke is vir die eerste keer in 1983 in Suid-Afrika bekend gestel.[2]
Verwysings [wysig]
- ↑ “Brand Fact Sheet”. Coca-Cola official website: 2008-12-01.
- ↑ Coca-Cola vier 125ste verjaardag, Beeld, 24 Mei 2011
