Dagur B. Eggertsson

in Wikipedia, die vrye ensiklopedie
Spring na: navigasie, soek
Dagur Bergþóruson Eggertsson
Dagur B. Eggertsson

17de Burgemeester van Reykjavik
Ampstermyn
16 Oktober 2007 – 24 Januarie 2008
Voorafgegaan deur Vilhjálmur Vilhjálmsson
Opgevolg deur Ólafur Magnússon

21ste Burgemeester van Reykjavik
Ampsbekleër
Ampsaanvaarding
16 Junie 2014
Voorafgegaan deur Jón Gnarr

Persoonlike besonderhede
Geboorte 19 Junie 1972 (1972-06-19) (42 jaar oud)
Politieke party Sosiaal-Demokratiese Alliansie

Dagur Bergþóruson Eggertsson (* 19 Junie 1972) is 'n Yslandse politikus en beklee sedert 16 Junie 2014 die amp van burgemeester (Yslands borgarstjóri) van die Yslandse hoofstad Reykjavík.[1] Hy het dié amp ook tussen 16 Oktober 2007 en 21 Januarie 2008 beklee. Hy is ook die voorsitter van die Sosiaal-Demokratiese Samfylkingin (Alliansie) in die stadsraad van Reykjavík.

Dagur is 'n boorling van Oslo en het in Reykjavík se Árbæjar-kwartier grootgeword. Hy is 'n arts van beroep en is sedert 2002 'n lid van Reykjavík se stadsraad. Dagur is ook die skrywer van 'n biografie oor die voormalige eerste minister van Ysland, Steingrímur Hermannsson, wat tussen 1998 en 2000 in drie boekdele verskyn het.

Nadat die Liberale en die Onafhanklikheidsparty in Januarie 2008 in die stadsraad van Reykjavík in 'n koalisie verenig het, is Ólafur F. Magnusson as nuwe burgemeester verkies. Dagur B. Eggertsson is op 28 Maart 2009 as vise-voorsitter van die Sosiaal-Demokratiese Alliansie verkies.[2][3]

Verwysings[wysig]

  • Hierdie artikel, of gedeeltes daarvan, is uit die volgende Wikipedia-artikel vertaal: Dagur B. Eggertsson

Eksterne skakels[wysig]