Distributed proofreaders

in Wikipedia, die vrye ensiklopedie
Spring na: navigasie, soek
Distributed Proofreaders
Distributed Proofreaders (logo).png
Tipe webblad Digitering van werke in die publieke domein
Taal(e) verskeie
Registrasie vereis om deel te neem aan die belangrikste dele van die projek
Outeur Charles Frank
Opgerig 2000
Huidige status Aktief
URL www.pgdp.net

Distributed Proofreaders (gewoonlik afgekort as DP of PGDP) is 'n web-gebaseerde projek wat Project Gutenberg ondersteun in die produksie van e-tekste waar vrywilligers saamwerk deur geskandeerde materiaal te proeflees en te verwerk om elektroniese boeke te skep.

Geskiedenis[wysig]

Charles Franks het Distributed Proofreaders in 2000 begin as 'n onafhanklike organisasie om Project Gutenberg by te staan.[1] Distributed Proofreaders is sedert 2002 'n amptelike webruimte van Project Gutenberg.

Op 8 November 2002, is Distributed Proofreaders oorval deur meer as vierduisend nuwe lede wat op die internet van hulle gelees het.[2][3] Hierdie toeloop van proeflesers en sagteware-ontwikkelaars het die omvang en kwaliteit van e-teks-produksie baie bevorder. Distributed Proofreaders (DP) het hulle vyf-duisendste teks aan Project Gutenberg vrygestel in Oktober 2004, en in Maart 2007 is die tienduisendste DP-geproduseerde e-teks vrygestel; in Mei 2009 die 15,000ste en in April 2011, die 20,000ste! DP-voorsiende e-tekste beslaan meer as die helfte van Project Gutenberg se versameling.

Die Distributed Proofreaders Foundation is op 31 Julie 2006 op die been gebring om wetlike en belastings-redes.

Die Proefleesproses[wysig]

Openbare domein werke, gewoonlik met vervalde kopiereg status, word deur vrywilligers geskandeer, of afgelaai vanuit ander webblaaie met geskandeerde boeke. Hierdie beelde word outomaties omgesit vanaf wat basies foto's is, na teks, deur Optiese Karakter-herkennings (Engels: OCR) sagteware. Afhanklik van die duidelikheid van die oorspronklike beeld, die kwaliteit van die skandering en die sofistikasie van die OCR-sagteware, is die resulterende teks vol foute. Om hierdie foute reg te stel, word bladsye een-vir-een deur internet-vrywilligers reggemaak. Die oorspronlike beeld en die teks van die OCR word langs mekaar vergelyk, en die vrywilliger produseer 'n nuwe weergawe met minder foute.[4] Die internet maak dit, soos in ander gevalle, moontlik om hierdeur 'n lang, moeisame proses oor baie werkers te versprei.

Elke bladsy word herhaaldelik geproeflees, telkens deur 'n ander persoon, en daarna is daar twee rondtes waar formattering plaasvind. Formattering behels die verwerking na spesiale lettertipes, en beter uitleg, so na moontlik aan die oorspronlike.

Daarna kom die tegniese werk, waar die boek se bladsye saamgevoeg word en die teks in die nodige vorms vir e-lesers verwerk word, voor dit aan Projek Gutenberg gestuur word vir vrystelling.

Afgesien van die spesiale sagteware wat ontwerp is vir hierdie projek, bestaan daar ook 'n wiki en forums vir die gebruik van vrywilligers op die webwerf.

Verwante projekte[wysig]

DP Europa[wysig]

In Januarie 2004, is Distributed Proofreaders Europe aangepak, vanuit Project Rastko.[5] Hierdie webwerf kan tekste in Unicode UTF-8 enkodering verwerk. Die boeke kom hoofsaaklik uit die Europese kulture, met 'n groot deel bestaande uit nie-Engelse materiaal insluitend Hebreeus, Arabies, Urdu en nog meer. Tot by Desember 2007 is meer as 480 e-tekste deur DP Europa geproduseer.

Daar word soms verwys na die oorspronlike DP as "DP International" deur DP Europa-lede. DP-hoofrekenaars is egter in die Verenigde State, en materiaal moet eers deur daardie kopiereg-uitklaringsproses gaan voor dit verwerk kan word.

DP Kanada[wysig]

Om voordeel te trek uit korter kopiereg-terme in Kanada is Distributed Proofreaders Canada op 1 Desember 2007 van stapel gestuur. Dit is 'n aparte eenheid, alhoewel dit deur die oorspronklike Distributed Proofreaders begin is. Al hulle tekste word deur Faded Page, 'n verwante webwerf vrygestel. Kanada het 'n "lewe plus 50" kopiereg-tydperk wat beteken dat werke van outeurs wat reeds 50 jaar dood is, vry van kopiereg is. 'n Paar voorbeelde van sulke outeurs is Clark Ashton Smith, Dashiell Hammett, Ernest Hemingway, Carl Jung, A. A. Milne, Dorothy Sayers, Nevil Shute, Walter de la Mare, Sheila Kaye-Smith and Amy Carmichael.


Mylpale[wysig]

Mylpaal Datum e-teks Skakel na Projek Gutenberg
1,000ste 19 Feb 2003 Tales of St. Austin's, P. G. Wodehouse etext 6980
2,000ste 3 Sep 2003 Hamlet — the 'Bad Quarto', William Shakespeare etext 9077
3,000ste 14 Jan 2004 The Anatomy of Melancholy, Robert Burton etext 10800
4,000ste 6 Apr 2004 Aventures du Capitaine Hatteras, Jules Verne etext 11927
5,000ste 24 Aug 2004 A Short Biographical Dictionary of English Literature, John William Cousin etext 13240
6,000ste 2 Feb 2005 The Journal of Sir Walter Scott, Sir Walter Scott etext 14860
7,000ste 23 Jun 2005 Opúsculos por Alexandre Herculano (Vol. I), Alexandre Herculano;
Viage al Parnaso, Miguel de Cervantes;
Leabhráin an Irisleabhair-III, Various.
etext 16111
etext 16110
etext 16122
8,000ste 8 Feb 2006 The Suppression of the African slave-trade to the United States of America, 1638-1870, W. E. B. Du Bois etext 17700
9,000ste 8 Sep 2006 History of the World War for Human Rights, Kelly Miller;
Poems, Christina Rossetti;
Hey Diddle Diddle and Baby Bunting, Randolph Caldecott
etext 19179
etext 19188
etext 19177
10,000ste 9 Mar 2007 (Sien lys onder)
11,000ste 12 Sep 2007 Northern Nut Growers Association Thirty-Fourth Annual Report 1943, Northern Nut Growers Association etext 22587
12,000ste 26 Jan 2008 Zur Psychopathologie des Alltagslebens, Sigmund Freud etext 24429
13,000ste 24 Jun 2008 A World of Girls, L. T. Meade etext 25870
14,000ste 1 Dec 2008 The Art of Stage Dancing, Ned Wayburn etext 27367
15,000ste 12 May 2009 Philosophical Transactions of the Royal Society - Vol 1 - 1666, Various. Henry Oldenburg (redakteur) etext 28758
16,000ste 1 Oct 2009 ABC Petits Contes, Jules Lemaître etext 30117
17,000ste 4 Mar 2010 The Position of Woman in Primitive Society, C. Gasquoine Hartley etext 31500
18,000ste 15 Jun 2010 Area Handbook for Romania, Eugene K. Keefe, et al. etext 32700
19,000ste 10 Nov 2010 Vanden Vos Reinaerde Uitgegeven en Toegelicht (anoniem) etext 34261
20,000ste 10 April 2011 (Sien lys onder)
22,000ste 2 January 2012 "The Nibelungenlied", William Nanson Lettsom se vertaling etext 38468
25,000ste 10 April 2013 The Art and Practice of Silver Printing, H. P. Robinson en Capt. Abney etext 42547

Tienduisendste E-boek[wysig]

Distributed Proofreaders kondig op 9 Maart 2007 aan dat meer as 10 000 titels voltooi is. Ter viering word 15 titels tesame vrygestel:

Twintigduisendste E-boek[wysig]

Om hierdie mylpaal te vier word, op 10 April 2011, 'n groep tweetalige boeke vrygestel:[6]

  • The Renaissance in Italy–Italian Literature, Vol 1, John Addington Symonds (Engels met Italiaans)
  • Märchen und Erzählungen für Anfänger; erster Teil, H. A. Guerber (Duits met Engels)
  • Gedichte und Sprüche, Walther von der Vogelweide (Middel Hoë Duits (ca. 1050-1500) met Duits)
  • Studien und Plaudereien im Vaterland, Sigmon Martin Stern (Duits met Engels)
  • Caos del Triperuno, Teofilo Folengo (Italiaans met Latyn)
  • Niederländische Volkslieder, Hoffmann von Fallersleben (Duits met Nederlands)
  • A “San Francisco”, Salvatore Di Giacomo (Italiaans met Neapolitaans)
  • O’ voto, Salvatore Di Giacomo (Italiaans met Neapolitaans)
  • De Latino sine Flexione & Principio de Permanentia, Giuseppe Peano (1858-1932) (Latyn met Latino sine Flexione)
  • Cappiddazzu paga tuttu—Nino Martoglio, Luigi Pirandello (Italiaans met Sisiliaans)
  • The International Auxiliary Language Esperanto, George Cox (Engels met Esperanto)
  • Lusitania: canti popolari portoghesi, Ettore Toci (Italiaans met Frans)

Sien ook[wysig]

Verwysings[wysig]

  1. Lessig, Lawrence (2009). Remix: Making Art and Commerce Thrive in the Hybrid Economy. Penguin, 109. ISBN 0-14-311613-4. 
  2. Gutenberg:Volunteers' Voices”. Project Gutenberg.
  3. Distributed Proofreading's slashdotting”. Boingboing.
  4. Gentry, Craig; Ramzan, Zulfikar; Stuart Stubblebine (February 28–March 3, 2005). "Secure Distributed Human Computation". Financial cryptography and data security: 9th International Conference 3570, Roseau, The Commonwaelth of Dominica: Springer. doi:10.1145/1064009.1064026. 
  5. Lebert, Marie (November 4, 2010). “Distributed Proofreaders, producteur des livres du Projet Gutenberg, a 10 ans (in French)”. Actualitté. URL besoek op 2011-06-30.
  6. Distributed Proofreaders celebrates 20,000 books posted, Distributed Proofreaders, April 10, 2011


(Hierdie artikel is aangepas vanuit die oorspronklike in die Engelse Wikipedia)

Eksterne skakels[wysig]