Edmond Halley
in Wikipedia, die vrye ensiklopedie
Edmond Halley (Londen, 8 November 1656 - Greenwich, 14 Januarie 1742) was ’n Britse sterrekundige, hoogleraar in Oxford en direkteur van die Greenwich-sterrewag.
Halley het die posisie van 340 sterre aan die suidelike hemelruim bepaal en dit is in die Catalogus Stellarum Australium gepubliseer. Hy het ontdek dat die komete van 1531, 1607 en 1682 dieselfde komeet is wat elke 76 jaar terugkeer. Dit is nou bekend as Halley se Komeet. Hy het ook die eiebeweging van sterre (die verplasing van sterre aan die hemelruim ten opsigte van die agtergrondsterre) ontdek.
