Komeet

Die komeet Hale-Bopp met sy twee sterte

'n Komeet is 'n klein hemelliggaam wat oor die algemeen 'n sterk elliptiese baan om die Son wentel. Wanneer 'n komeet naby die son kom, smelt 'n gedeelte van die komeet se materie en word 'n sogenaamde koma en dikwels ook 'n stert gevorm. Die vaste deel van die komeet word dan die komeetkern genoem. Komete bestaan uit ys, gas en stof en staan daarom ook as "vuil sneeuballe" bekend. Die kern kan strek van 'n paar kilometer tot tientalle kilometers, terwyl die koma kan wissel tussen 100 000 en 1000 000 km in deursnit en die stert (of sterte) kan tot 'n miljard kilometer lang wees. Kortstondige komete neem minder as 200 jaar om hulle wentelbane te voltooi, maar langdurige komete neem tot duisende jare om een omwenteling te voltooi.