Edward Bulwer-Lytton

in Wikipedia, die vrye ensiklopedie
Spring na: navigasie, soek
Edward Bulwer-Lytton
Edward Bulwer-Lytton

Staatsekretaris vir die Kolonies
Ampstermyn
5 Junie 1858 – 11 Junie 1859
Monarg Victoria
Eerste Minister Edward Smith-Stanley
Voorafgegaan deur Edward Stanley
Opgevolg deur Henry Pelham-Clinton

Persoonlike besonderhede
Geboorte 25 Mei 1803
Londen
Sterfte 18 Januarie 1873
Torquay
Politieke party Whig
Konserwatiewe Party
Eggenoot/eggenote Rosina Doyle Wheeler (1802–1882)
Alma Mater Trinity College, Cambridge
Trinity Hall, Cambridge

Edward George Earle Bulwer Lytton, 'n skrywer en politikus is gebore op 25 Mei 1803 in Londen. Hy ontvang sy opvoeding deur middel van private opvoeders en ook van Trinity College in Cambridge. Hy sterf op 18 Januarie 1873.

Hy was die outeur van, onder andere, die bekende frase "die pen is magtiger as die swaard" en die openingslyn "dit was 'n donker en stormagtige nag" (it was a dark and stormy night). Alhoewel hy gewild was in sy leeftyd, word hy vandag met swak skryfstyl geassosieer. Die San Jose Staatsuniversiteit in Kalifornië het selfs 'n jaarlikse tong-in-die-kies kompetisie, die Bulwer-Lytton Fiction Contest wat pryse toeken aan die slegste openingslyne.

Bulwer-Lytton het internasionale bekendheid verwerf met sy geskiedkundige roman: "Die laaste dae van Pompeii" in 1834. Sy roman Zanoni is geskryf net voordat die Orde van die Rosekruis weer na vore getree het in die 19de eeu. Zanoni beskryf die lewe van twee rosekruisers van die 18de eeu, Zanoni en Mejnour as die laaste oorlewendes van die Orde van die Rosekruis in die 18de eeu. Verskeie verwysings kom voor na hermitisme, Paracelsus, Cornelius Agrippa, Cagliostro en Mesmer.

Bulwer-Lytton het van jongs af in die paranormaal belang gestel en het hom daaraan toegewy om die okkult te bestudeer. Twaalf jaar na die publikasie van Zanoni het Bulwer-Lytton vir Levi Eliphas ontmoet en het hulle gepoog om die gees van Appolonius van Tyana op te roep deur middel van 'n okkultiese ritueel beskryf in die "Magia Philosphica" geskryf deur Franciscus Patricius.

Bibliografie[wysig]

  • The last days of Pompeii 1834
  • Night and morning 1841
  • Zanoni 1842
  • The last of the Barons1843
  • The Caxtons 1850

Bronne[wysig]

  • 2007, C Rebisse, Rosicrucian History and Mysteries, Antenaeum Press Ltd, Great Britain. Bl. 220