Epog (sterrekunde)

in Wikipedia, die vrye ensiklopedie
Spring na: navigasie, soek

’n Epog is ’n bepaalde tydsperiode waarin die lugkoördinate van ’n hemelliggaam met voldoende noukeurigheid as konstant beskou kan word. Hierdie koördinate verander deur die presessiebeweging van die Aarde en, in die geval van planete en ander voorwerpe in ons sonnestelsel, ook vanweë hulle eiebeweging.

Die hemelpool verskuif elke jaar ’n bietjie vanweë die Aarde se presessie, en die lentepunt (die nulpunt van regte klimming) verskuif met 50,29 boogsekondes. Daarom moet die koördinate van "vaste" hemelliggaame voortdurend omgereken word na ’n standaardtyd – die standaard-epog.

J2000[wysig]

Dit is gebruiklik dat standaard-epogs elke 50 jaar aangepas word. Vanaf 1984 word die lugkoördinate vir die stanaard-epog 2000 aangegee. J2000 dui op 1 Januarie 2000 om 12:00 Aardtyd. Bronne sal waarskynlik omstreeks 2025 begin om die volgende standaardtyd, J2050, te gebruik.