Ernst August, keurvors van Brunswyk-Lüneburg

in Wikipedia, die vrye ensiklopedie
Ernst August
Hertog van Brunswyk-Lüneburg
Aangewese keurvors van Hannover

Vorstehuis Hannover
Heerser Calenberg
Regeer 1679–1698
Voorganger Johan Frederik
Opvolger Georg Lodewyk
Prins-biskop Osnabrück
Gebore 20 November 1629
Oorlede 23 Januarie 1698 (op 68)
Eggenote Sophia van die Palts
Kinders George I van Groot-Brittanje
Friedrich August
Maximilian Wilhelm
Sophie Charlotte
Karl Philipp
Christian Heinrich
Ernst Augustus
Vader Georg, Hertog van Brunswyk-Lüneburg
Moeder Anna Eleonore van Hesse-Darmstadt

Ernst August (Latyn: Ernestus Augustus; 20 November 1629 – 23 Januarie 1698) was die Hertog van Brunswyk-Lüneburg en het oor die prinsdom Calenberg (met Hannover as hoofstad) regeer. Hy is as keurvors van Hannover aangestel, maar is oorlede voor die aanstelling in werking getree het. Hy was ook die prins-biskop van Osnabrück.

Diana, Prinses van Wallis was ’n afstammeling van hom, so ook alle Britse monarge van George I tot die huidige koningin, Elizabeth II.

Lewe[wysig | wysig bron]

Ernst August is op Herzberg am Harz gebore as die seun van Georg, die Hertog van Brunswyk-Lüneburg, en Anna Eleonore van Hesse-Darmstadt. In 1658 is hy in Heidelberg, Duitsland, getroud met Sophia van die Palts. As die vierde seun was die kans baie skraal dat hy sy pa as heerser sou opvolg en dus het sy familie hom in 1662 aangestel as prins-biskop van Osnabrück. Nadat twee van sy broers egter sonder kinders gesterf het, het Ernst August die gebied Calenberg van sy pa geërf.

In die Groot Turkse Oorlog het hy aan die kant van keiser Leopold I van die Heilige Romeinse Ryk geveg. In 1692 het die keiser hom aangestel as keurvors. Dit sou egter eers in 1708 in werking tree, en Ernst August is in 1698 oorlede. Hy is as hertog opgevolg deur sy seun Georg Lodewyk, wat later koning van Groot-Brittanje sou word.

Kinders[wysig | wysig bron]

Naam Gebore Oorlede Notas
Georg Lodewyk 28 Mei 1660 11 Junie 1727 Hy het ná sy ma se dood die troonopvolger van Groot-Brittanje geword en koningin Anna van Groot-Brittanje opgevolg as koning George I.
Friedrich August 3 Augustus 1661 31 Desember 1690 In ’n veldslag dood
Doodgebore seun Februarie 1664 Februarie 1664
Maximilian Wilhelm 13 Desember 1666 16 Julie 1726
Doodgebore seun 13 Desember 1666 13 Desember 1666 Maximilian se tweelingbroer
Sophie Charlotte 30 Oktober 1668 21 Januarie 1705 Sy het getrou met koning Frederik I van Pruise
Karl Philipp 3 Oktober 1669 31 Desember 1690 In ’n veldslag dood
Christian Heinrich 19 September 1671 31 Julie 1703 In ’n veldslag dood
Ernst August 7 September 1674 14 Augustus 1728 Hertog van York en Albany

Eksterne skakels[wysig | wysig bron]