Gaspard de Coligny

in Wikipedia, die vrye ensiklopedie
Spring na: navigasie, soek
Gaspard de Coligny
16 Februarie 1519 – 24 Augustus 1572 (53 jaar oud)
Gaspard de Coligny
Geboorteplek Châtillon-sur-Loing, Frankryk
Plek van afsterwe Parys, Frankryk
Lojaliteit Royal Standard of the King of France.svg Frankryk
Toekennings Pair de France
Ander werk heer van Châtillon, admiraal van Frankryk

Gaspard de Coligny (Châtillon-sur-Loing, 16 Februarie 1519 - Parys, 24 Augustus 1572), heer van Châtillon, admiraal van Frankryk en Protestantse leier, is gebore in 'n adellike familie in Boergondië.

De Coligny studeer in die lettere, maar staak sy studies toe hy by die leër aansluit. In 1552 word hy tot admiraal bevorder. Hy was streng maar regverdig met sy soldate. Nadat sy troepe 'n veldslag verloor, word hy gevange geneem, eers in Sluis en daarna na Gent.

Terwyl hy in aanhouding verkeer, lees hy die Bybel wat sy broer vir hom present gegee het. Hy kom van Maarten Luther te hore en korrespondeer met Johannes Calvyn. Nadat iemand sy losprys betaal, is hy toegelaat om huis toe te keer. De Coligny besluit toe hom te gaan stry vir die regte van die Franse Protestante, die sogenaamde Hugenote.

Ná die dood van Hendrik II van Frankryk, word De Coligny leier van die Hugenote. Op 22 Augustus 1572 word hy op straat geskiet. Hy verloor 'n vinger aan sy regterhand en een van sy elmboë word ook verbrysel. Twee dae later, tydens die sogenaamde Bartolomeusnag, word hy in sy huis om die lewe gebring.

Sy dogter Louise de Coligny, was die vierde vrou van die Nederlandse prins Willem van Oranje.

Die dorp in Suid-Afrika se provinsie Noordwes, Coligny, is na hom vernoem.