Gent
|
Gent |
|
|---|---|
| Kaart | Wapen |
 |
|
 |
|
| Vlag | |
 |
|
| Land | .svg){kind=small} België |
| Gewes (deelstaat) |  Vlaandere |
| Provinsie |  Oos-Vlaandere |
| Koördinate | |
| Oppervlak: | |
| - Totaal | 156,18 vk km |
| Bevolking: | |
| - Totaal (1 Januarie 2011) | 247 486 |
| - Bevolkingsdigtheid | 1585/vk km |
| Tydsone | UTC +1 (MET) |
| Burgemeester | Daniël Termont (SP.A) |
| Amptelike Webwerf | www.gent.be |
Gent (Afrikaans, Nederlands en Duits: Gent, Frans en Italiaans: Gand, Engels: Ghent) is die ou hoofstad van die graafskap Vlaandere (België) en geboorteplek van keiser Karel V wat ook hier opgegroei het. Vandag is Gent met sy sowat 247 000 inwoners (2011) die hoofstad van die provinsie Oos-Vlaandere en op twee na die grootste hawe van België. Die Universiteit van Gent het sowat 32 000 studente.
Inhoud |
Geskiedenis [wysig]
Die stad lê waar die Leie in die Schelde invloei. Gent groei rondom twee kloosters wat in 630 n.C. gestig word. Die vroegste dokumente waarin die stad vermeld word dateer uit die 8ste eeu. Nadat die stad in die 9de eeu deur Normandiese aanvallers verwoes is, begin die Grawe van Vlaandere, wat hier en in Brugge woon, met die versterking van Gent. Die groeiende wol- en lakennywerhede begin met die verwerking van ingevoerde Engelse wol, en maak van Gent een van die grootste en welvarendste stede noord van die Alpe. Die nuwe kasteel, die Gravensteen wat in 1180 verrys, weerspieël die mag van die destydse Grawe. Die burgerlike grondwet van die stad verseker dat die pateristiese Raad van 39 die gesag oor alle stedelike aangeleenthede het.
Besienswaardighede en vermaak [wysig]
Die hawe met sy nywerheidsgebied strek in die noorde tot by die Nederlandse grens; die ou stadsentrum met sy middeleeuse Gravensteen (kasteel van die grawe van Vlaandere) en talle historiese geboue vorm 'n skerp kontras teen die nuwe voorstad. Saans word die geboue tot middernag feestelik verlig. Drie abdye, die Sint-Baafskatedraal, die Sint-Niklaaskerk, die Gildehuizen aan die Graslei en 'n aantal museums lok besoekers, wat meer as een dag nodig het om 'n indruk van die pragtige argitektuur te kry.
In die laatsomer vind die bekende Festival van Vlaanderen plaas; die toeris kan konserte van internasionale gehalte in die middeleeuse omgewing van katedrale, abdye, die raadsaal en ander geboue geniet.
In die omgewing van Gent lok die statige kasteel van Laarne.
Kookkuns [wysig]
Gent se bydraes tot die voortreflike Belgiese kookkuns is onder meer die Waterzooi van Gent ('n hoendergereg met groente), die Hutsepot (Frans Hochepot Gantois, 'n bredie met allerlei soorte vleis en groentes) en die Gentse Mokken (ronde koekies wat met meelblom en stroop gebak word).
Geboortes [wysig]
- Keiser Karel V (1500 - 1558)
- Jacques Rogge (1942), sportbeampte (IOK-voorsitter) en ortopediese chirurg
Eksterne skakels [wysig]
