Noordwes

Noordwes Provinsie
Bokone-Bophirima
Nyakatho-Ntshonalanga
North West Province

Oppervlakte	116 320 km²
Bevolking (2007)	3 271 948
Tale	Tswana (64,8) Afrikaans (9,2%) Xhosa (7,6%) Sotho (6,8) Tsonga (3,4)
Etniese groepe	Swartes 90,8% Blankes 7,2% Kleurlinge 1,6% Asiate 0,4%
Hoofstad	Mafikeng
Premier	Thandi Modise (ANC)

Noordwes (Engels: North West, Tswana: Bokone Bophirim) is een van die nege provinsies van Suid-Afrika. Die hoofstad is Mafikeng. Noordwes is in 1994 gevorm deur die samevoeging van die ou Wes-Transvaal en die "tuisland" Bophuthatswana.

Die provinsiale hoofstad Mafikeng vorm 'n eenheid met Mmabatho, wat voorheen die hoofstad van Bophuthatswana was.

Ander belangrike plekke in Noordwes is onder meer Potchefstroom, Klerksdorp, Brits, Rustenburg, Lichtenburg en Vryburg.

Demografie

Tale ██ Afrikaans ██ Engels ██ Xhosa ██ Tswana ██ Suid-Sotho

• Bevolking (2007-sensus): 3 394 200.
• Tale: Tswana (65,4%), gevolg deur Afrikaans (7,5%).

Geografie

• Oppervlakte: Sowat 116 190 vk. km.

Ligging en topografie

Noord en wes van Noordwes lê die land Botswana, terwyl die provinsies Noord-Kaap en Vrystaat aan die suidekant, Limpopo na die noordooste en Gauteng aan die oostekant daarvan lê. Die Magaliesbergreeks is in die noordooste, en die Vaalrivier vorm die provinsie se suidelike grens. Noordwes se suidelike deel is 'n uitgestrekte vlakte, terwyl die noordelike deel grootliks yl begroeide bosveld is.

Ekonomie

'n Kunsmatige sandstrand in Sun City

Mynbou sorg vir meer as 'n derde van Noordwes se bruto binnelandse produk. Nagenoeg 94% van Suid-Afrika se platinum kom van die distrikte Rustenburg en Brits, wat meer van hierdie kosbare silwerwit metaal produseer as enige ander gebied ter wêreld. Die provinsie lewer voorts 'n kwart van die land se goud. Graniet, marmer, vloeispaat en diamante word ook ontgin.

Ondanks die mynboubedrywighede het die provinsie nog steeds 'n landelike karakter. Noordwes lewer sowat 'n derde van die land se mielies. Ander belangrike landbouprodukte in die suidelike en oostelike dele van die land is sonneblomolie, vrugte, tabak en katoen. Die westelike en noordelike dele het weer baie skaap- en beesplase.

Toerisme

Noordwes se malariavrye wildernisgebiede soos die Madikwe-wildtuin en die Nasionale Pilanesbergpark is gewilde toeristebestemmings. Soo ook Sun City, 'n bekende luukse vakansieoord wat met twee gholfbane, kasino's, sportgeriewe en ander vermaaklikheidsaktiwiteite daagliks meer as 25 000 besoekers lok. Ander gewilde bestemmings vir buitelug-aktiwiteite is die Hartbeespoortdam (watersport) en die Magaliesberge met sy natuurskoon en voetslaanpaaie.

Opvoeding

Die Noordwes Universiteit, wat die Potchefstroomkampus (die Pukke) insluit , is die provinsie se vernaamste tersiêre onderwysinrigting.

Bronne

• 
  http://www.mieliestronk.com/provinsies.html by Die Mieliestronk - Met toestemming gebruik