Gebruikerbespreking:Blommetjie1

Hallo Blommetjie1, hartlik welkom op die Afrikaanse Wikipedia! Message in English Bericht in het Nederlands Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie. Die Afrikaanse Wikipedia bestaan al sedert Desember 2001 en bevat reeds 115 923 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor 'n mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud. ___ Verifieerbaarheid Die eerste van Wikipedia se drie kernbeleide ___ Geselshoekie Die gewilde bymekaarkomplek ___ Geen oorspronklike navorsing Die tweede van Wikipedia se drie kernbeleide ___ Sandput Eksperimenteer na hartelus ___ Neutrale standpunt Die derde van Wikipedia se drie kernbeleide ___ Redigeringsinstruksies Hoe maak ek: teks wat skuinsgedruk is? ’n opskrif? tabelle? ___ Wat Wikipedia nie is nie Daar is ook ’n paar dinge wat ons nié hier doen nie ___ Beelde As jy beelde wil oplaai ___ Beleefdheid Ken jou maniere ___ Wenke vir die skryf van ’n goeie artikel Soms sê die naam alles Hierdie bladsy, wat nou op jou skerm vertoon word, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap gestuur is. Kliek dan laastens op "Publiseer wysigings" om enige bewerkings te stoor.

Skakels...

@Blommetjie1:, ek het twee van jou skakels by onderskeidelik Opvoedkunde en Hoërskool Noordheuwel teruggerol want dit word nie so gedoen nie. Dit hoort by eksterne skakels. Groete! Oesjaar (kontak) 12:36, 14 September 2022 (UTC)

Dankie! Blommetjie1 (kontak) 17:08, 14 September 2022 (UTC)

Skakels binne artikels is intern na ander artikels. Eksterne skakels kom onder die hofie Eksterne Skakels. Groete! Oesjaar (kontak) 19:20, 14 September 2022 (UTC)

Afsterwe en staatsbegrafnis van Elizabeth II

Goeiedag Blommetjie1, aangename kennis! Jy het nou die moeilikste en langste artikel op die wiki, die Afsterwe en staatsbegrafnis van Elizabeth II gekies om te vertaal. Geluk, dit lyk goed vir 'n beginnerspoging, maar die verwysings (ref's) en bladsy se uitleg moet drasties verbeter word.

Ek gaan nou daarmee begin, moet asb nie nou verder daaraan verander nie, ek sal jou laat weet wanneer ek klaar is. Groete! -- Aliwal2012 13:35, 15 September 2022 (UTC)

Baie dankie Aliwal2012; dis 'n steil leerkurwe hierdie! 137.215.184.170 14:30, 15 September 2022 (UTC)

Hi Blommetjie1, jy kan nou maar weer laat waai as jy iets wil opdateer in die artikel, ek het al die verwysings op datum gebring (daar is 242 van hulle!). Groete, -- Aliwal2012 14:11, 16 September 2022 (UTC)

Genade! Baie, baie dankie vir al jou moeite, Aliwal2012! Waardering! Blommetjie1 (kontak) 14:42, 19 September 2022 (UTC)

Samuel Merrill Woodbridge

Geluk met 'n goeie artikel. Kan jy asb die bladsy nommers deel van die verwysings maak? Groete! Oesjaar (kontak) 18:24, 19 September 2022 (UTC)

Ek weet nie hoe nie :-) Blommetjie1 (kontak) 18:52, 19 September 2022 (UTC)

Miskien moet ons bymekaar kom daar by die SAAWK...? Groete Oesjaar (kontak) 19:08, 19 September 2022 (UTC)

Rooi skakels en Kategorieë

Gebruiker:Blommetjie1 dankie vir al jou bydraes, elke bietjie help! Ek vermoed jy gebruik die ContentTranslator, geen probleem nie. Hou asb in gedagte dat die Engelse Wiki tans oor 6.5 miljoen artikels beskik teenoor die amper 105 000 van ons Wikipedia. Moet asb nie skakels van die Engelse Wikipedia blindelings oordra nie, dit is grotendeels die rede hoekom daar so baie rooi skakels in jou artikels is. Ook, elke taal skep en gebruik sy eie kategorieë, moet ook nie die Engelse kategorieë blindelings oordra nie. Die admin span sal help hiermee. As jy net die twee dinge in gedagte hou sal dit ons admins baie tyd spaar! Nadat jy 'n artikel geskep het, loer maar wat die gesoute gebruikers verbeter en verander, jy sal vinnig agter die kap van die byl kom! Ek leer nog steeds na amper 14 jaar hier! Somminge van jou artikels is myns insiens voorbladmateriaal; een van die vereistes is dat die artikel ten minste 30 000 grepe groot moet wees. Ons sal later daarna kyk. Moet ook nie skaam wees om vrae te vra nie. Groete! Oesjaar (kontak) 05:50, 21 September 2022 (UTC)
NS. Ons gebruik die metrieke stelsel dus meter, kilogramme en die dinge! So waar jy kan, skakel om van voet na meter asb!

Baie dankie, hierdie help my, Oesjaar. Ek het gedink dis goed as ek die rooi skakels aandui, maar dit sal my sommer BAIE moeite spaar as ek dit minder hoef te doen. Met die kategoriee probeer ek dink wat goeie trefwoorde in SA sal wees, maar ek sal meer aandag daaraan gee en jou advies volg. Baie dankie vir jou sorgsaamheid, dit word opreg waardeer! Blommetjie1 (kontak) 16:31, 21 September 2022 (UTC)

Chaos

Blommetjie1, ek vermoed jy is besig om chaos op die Afrikaanse Wikipedia te veroorsaak. Dankie vir jou entoesiasme, maar slaan 'n bietjie briek aan. Moenie artikels soos "Speserye & geurmiddels" skep nie, asseblief. Daar is reeds 'n artikel met die naam "Spesery". Titels is enkelvoud, en die ampersand deug nie in die titel nie, tensy dit deel van 'n titel van 'n boek of fliek is. Let ook op jou spelling, asb. 'n Naam soos "Bloubont blommetjies (plant)" is onsinnig. Ons het al vantevore mense soos jy hier gehad wat nonsens aangejaag het, en ek sien hier kom weer groot k**. ~ Burgert (kontak) 20:12, 21 September 2022 (UTC)

@Blommetjie1:, drie admins het met jou gekommunikeer, reageer asb op hulle opmerkings. Onthou AL die gebruikers is vrywilligers en het hulle eie doelwitte. Indien jy 'n probleem bly, verwyder ons jou eenvoudig. Groete! Oesjaar (kontak) 06:41, 22 September 2022 (UTC)

Beste Oesjaar,

Ek het regtig baie geleer die afgelope week en die opbouende kommentaar is ontsettend waardeer. Ek het ook weer wysigings aan die vroeëre bydraes gaan maak op grond van die kommentaar wat ontvang is. Ek is baie jammer as my bydraes ‘n bron van frustrasie was, dit was werklik nie die bedoeling nie.  Ek dink ek het wel op al die opmerkings gereageer, met die uitsondering van die onbeskofte kommentaar van Burgert. Ek glo dis te verstane.

Wees gerus dat ek nie in die nabye toekoms verdere plasings gaan maak nie weens ander verpligtinge, maar ek hou die nuwe plasings en redigerings dop en leer sodoende.

Vriendelike groete! Blommetjie1 (kontak) 12:13, 22 September 2022 (UTC)

Ai @Blommetjie1:, lyk my die kwaai toppies het jou weggejaag? Dumbassman (kontak) 06:15, 1 Oktober 2022 (UTC)

Welkom terug Blommetjie1!

Jy het baie verbeter, dit lyk goed! Wenk: staak die gebruik van oormatige Kategorieë. Kategorieë is vir wat ons het, nie nog gaan kry nie. Groete! Oesjaar (kontak) 20:50, 22 Februarie 2023 (UTC)

Beste Blommetjie, dankie vir jou nuwe artikels vandag. Ek het dit deurgelees en probeer verbeter waar ek foute sien.

Kyk asb. hoe ek die galery by Etha Fles gedoen het, ek sien jy sukkel om die foto-uitleg reg te kry!

Daar is ongelukkig net een bruikbare "markup" (styl) vir 'n fotogalery op die wikipedia. Dit is <gallery> en sluit af met </gallery>

Groete!  Aliwal2012 18:42, 8 April 2023 (UTC)

Baie dankie vir die verbeterings, Aliwal. Die galery lyk ook mooi; ek waardeer. Blommetjie1 (kontak) 05:08, 11 April 2023 (UTC)

Dit lyk goed! Hou so aan! Groete! Oesjaar (kontak) 11:11, 12 Oktober 2023 (UTC)

-) Blommetjie1 (kontak) 11:13, 12 Oktober 2023 (UTC)

small smile Blommetjie1 (kontak) 11:13, 12 Oktober 2023 (UTC)