Henry David Thoreau

in Wikipedia, die vrye ensiklopedie
Spring na: navigasie, soek
Henry David Thoreau
Henry David Thoreau.jpg
Henry David Thoreau in 1856

Gebore 12 Julie 1817
Concord, Massachusetts
Oorlede 6 Mei 1862 (op 44)
Concord, Massachusetts
Nasionaliteit Vlag van Verenigde State Verenigde State
Vakgebied Etiek, Poësie, Religie, Politiek, Biologie, Filosofie, Geskiedenis
Alma mater Harvard-kollege
Beïnvloed deur Indiaanse filosofie, Ralph Waldo Emerson, Thomas Carlyle, Charles Darwin
Invloed op Mahatma Gandhi, John F. Kennedy, Martin Luther King, Jr., Walt Whitman, Leo Tolstoi, Marcel Proust, William Butler Yeats, Sinclair Lewis, John Zerzan, Ernest Hemingway, Upton Sinclair, Emma Goldman, E. B. White, E. O. Wilson, B. F. Skinner, George Bernard Shaw,
Henry D Thoreau signature.svg

Henry David Thoreau (1817 - 1862) was 'n Amerikaanse skrywer en filosoof. Hy is veral bekend vir sy boek, Walden, waarin hy peins oor 'n eenvoudige lewe in 'n natuurlike omgewing, asook sy opstel Civil Disobedience ("Burgerlike ongehoorsaamheid"), waarin hy 'n argument stel vir individuele weerstand teen staatsregering ten tye van morele opposisie van 'n onregverdige staat.

Thoreau se boeke, artikels, opstelle, joernale en gedigte tel saam meer as 20 volumes. Tussen sy blywende bydraes was sy skrywes oor natuurgeskiedenis, waarin hy die metodiek en vindings van ekologie voorsien het, en omgewingsgeskiedenis; beide vorms van moderne omgewingskunde.

Hy was sy lewe lank ten gunste van die afskaffing van slawerny en het lesings gegee wat die wette rakende voortvlugtende slawe aangeval het. Hy het die skrywes van Wendell Phillips geprys en ander ondersteuners van die afskaffing van slawerny, soos John Brown, verdedig. Thoreau se filosofie van burgerlike ongehoorsaamheid het die politieke denke en dade van latere figure soos Leo Tolstoi, Mahatma Gandhi en Martin Luther King jr. beïnvloed.

Daar word soms na Thoreau verwys as 'n individualistiese anargis[1][2] en 'n inspirasie vir ander anargiste. Alhoewel sy skrywes die verbetering, liewer as afskaffing van regering aanbeveel,[3] mik die genoemde verbeterings na regeringloosheid: "Die beste regering is een wat geensins regeer nie en wanneer mense daarop voorbereid is, sal dit die soort regering wees wat hulle sal hê".[4]

Verwysings[wysig]

  1. Johnson, Ellwood. The Goodly Word: The Puritan Influence in America Literature, Clements Publishing, 2005, bl. 138.
  2. Encyclopaedia of the Social Sciences, edited by Edwin Robert Anderson Seligman, Alvin Saunders Johnson, 1937, bl. 12.
  3. "I ask for, not at once no government, but at once a better government" Thoreau, H. D. Resistance to Civil Government
  4. “‘That government is best which governs not at all;’ and when men are prepared for it, that will be the kind of government which they will have.”Thoreau, H. D. Resistance to Civil Government