Hexrivier Spoorwegpas

Westelike aanloop tot die langste van die vier tonnels, 13 Augustus 2005

Die Hexrivier Spoorwegpas is 'n bergpas vir treine in die Wes-Kaap, Suid-Afrika. By voltooiing was die pas een van die moeilikste konstruksieprojekte nog in die land.

Geskiedenis

Na die ontdekking van diamante in 1869 te Kimberley was dit tyd om Kaapstad en Kimberley te verbind met 'n spoorlyn. Teen 1867 het die spoorlyn Worcester reeds bereik. Die uitdaging was om die spoorlyn deur die Hexriviervallei, die Hexrivierpoort en teen die eskarp van die sentraal Suid-Afrika plato uit, te ontwerp en te bou. Die taak is aan Wells Hood opgedra. Sy spoorlyn het die bokant van die eskarp teen 1887 bereik na 'n baie moeilike konstruksieprojek. Die Hexrivierpas het twee tonnels ingesluit en het 'n helling van 1:31 gehad met verskeie skerp draaie waarvan een 'n radius van slegs 100m gehad het. Dit het tot gevolg gehad dat goederetreine van die noorde by Touwsrivier heropgestel moes word om die massa en lengte te verminder voordat die afdraand na Worcester aangepak kon word.

Herboude pas

Vanaf 1948 is die pas herbou en is eers in 1989 voltooi na verskeie onderbrekings. Die nuwe pas was 8km korter. Die helling was 1:66 en die skerpste draai se radius was 800m. Die roete het vier tonnels ingesluit met 'n gesamentlike lengte van 16km. Die hooftonnel was 13.5km lank en is ook die langste spoorwegtonnel in Afrika. In die tonnel is ook 'n kruislyn wat die dravermoë van die lyn aansienlik verhoog.

Sien ook

• Lys van bergpasse in Suid-Afrika
• Hexrivierpas