Hoendervleis

in Wikipedia, die vrye ensiklopedie
Spring na: navigasie, soek
Gebraaide hoenderporsies
Heel hoenders op 'n supermark se spitbraaier

Hoendervleis is die vleis wat afkomstig is van 'n hoender. Dit is die vleissoort wat die meeste geëet word ter wêreld. Hoender word as deel van 'n maaltyd soos middagete of aandete geëet. Dikwels is dit ook 'n spesialiteit in 'n restourant of tydens feesdae soos Paasfees en Kersfees. Hoendervleis word, net soos die vleis van ander pluimvee (voëls), witvleis genoem[1]. Dit is in teenstelling met die rooivleis van soogdiere.

Hoendervleis kan op baie maniere voorberei word as voedsel, byvoorbeeld gerooster, op 'n braaier, gebak of gekook met allerlei kruie en speserye, selfs gekook in sop.

Verskillende geregte[wysig]

  • Heel hoender, gevul of nie
  • Halwe hoender
  • Hoenderpote / hoenderkoppe (ook genoem "walkie-talkies")
  • Hoendervlerkies ('n variant hiervan is "hot wings", 'n pikante dis van hoendervlerkies)
  • Boudjies (die onderste gedeelte van die hoenderboud word voorgesit by buffetetes)
  • Hoenderborsies
  • Hoenderlewers en -magies (peri-peri of nie)
  • Hoender-a-la-king

Risiko's van hoendervleis[wysig]

Salmonella kom gereeld voor op rou hoender, daarom is dit baie belangrik dat hoender altyd goed gaargemaak word en beslis nie rooi dele toon nie.

As gevolg van hierdie risiko's staan ​​daar op die etiket van pluimveevleis in Europa 'n waarskuwing met die volgende teks:

Cquote1.svg "Let op, moenie skadelike bakterieë 'n kans gun nie. Moenie dat hierdie bakterieë via die verpakking, jou hande of die kombuisware in jou kos beland nie. Maak die vleis deeglik gaar om hierdie bakterieë uit te skakel."
Cquote2.svg

Verwysings[wysig]

Hierdie artikel is in sy geheel of gedeeltelik vanuit die Nederlandse Wikipedia vertaal.