Paasfees
Paasfees is een van die belangrikste gelowige feeste in die Christelike kerklike jaar en word tussen laat Maart tot vroeg April gevier (vroeg April tot vroeg Mei in vroeë Christendom). Paasfees vier die opstanding van Jesus Christus, wie, volgens sy volgelinge, op die derde dag na sy kruisiging uit die dood uit opgestaan het (ongeveer 27 tot 33 n.C.).
Paasfees verwys ook na die seisoen in die kerkjaar, en duur vir vyftig dae, van Paas-Sondag tot Pinksterdag.
Inhoud |
Datum en oorsprong [wysig]
Volgens die ooreenstemmende verhale in die Christelike Griekse Skrifte of Nuwe Testament het Jesus van Nasaret (Jesus Christus) op die eerste dag van die Joodse week uit die dood opgestaan (Mk 16,2, Mt 28,1, Lk 24,1, Joh 20,1) - dus op 'n Sondag. Dit was tegelykertyd die "derde dag" ná die kruisiging van Jesus (Lk 24, 7) wat derhalwe op 'n Vrydag plaasgevind het.
Die Paasfees en die Joodse Pessach [wysig]
Die Christelike fees van Jesus Christus se opstanding is onlosmaaklik verbonde aan die Joodse Pessachfees (Aramees: Pasga), veral om chronologiese redes aangesien Jesus volgens die Nuwe Testament en die sinoptiese oorlewering tydens die Pessachfees (of op die vooraand van die fees, aldus die Evangelie volgens Johannes) oorlede is.
Die Christelike tradisie het daarnaas ook inhoudelike elemente van die Joodse Pessachfees oorgeneem en met betrekking tot Jesus geherinterpreteer. Hierdie elemente sluit die simbool van die Paaslam in: Tydens die Pessachfees is lamme in die Israelitiese tempel van Jerusalem geslag. Die Paasfees word daarnaas net soos Pessach as 'n fees van bevryding gevier - die Israeliete het gedurende hul fees die bevryding uit die Egiptiese slawerny gevier, die Christene die opstanding van Jesus uit die dood.
Paasfeesdatums [wysig]
|
|
|||||||||||||||||||||||||||||||||||||||||||||||||||||||||||||||||||||
Sien ook [wysig]
- Goeie Vrydag, die Vrydag voor Paasfees.
- Familiedag, die Maandag na Paasfees.
