Howiesonspoort

Die Howiesonspoort (soms Howisonspoort) is op die N2-pad net buite Grahamstad (Makhanda) in die rigting van Port Elizabeth (Gqeberha).

Ligging

Hierdie poort is 8,8 km lank met 'n hoogtepunt op 676 m en 'n laagtepunt op 376 m bo seevlak. Op die laagste punt eindig die poort en draai die pad na Salem en Kenton-on-Sea uit die hoofpad weg. Dit het 'n gemiddelde helling van 1:29. In die pas is die Stone Crescent Hotel geleë.

Argeologie

In 'n klein oorhangende rotskoepel net bo die pad is 'n argeologiese fondsterrein van beduidende belang. Eerwaarde P. Stapleton en dr. J. Hewitt van die Albanie-museum het in 1927 bewyse hier gevind van bewoning deur mense in die Steentydperk. Hierdie navorsing is met verdere opgrawings in 1965 bevestig.

Geskiedenis

In 1856 het gevangenes onder bevel van kapt. Alexander Howison van die nabygeleë Secretary’s Farm met die aanleg van die pad begin.

Lees ook

• Lys van bergpasse in Suid-Afrika

Bronnelys

• Logie, Bartle: Dusty Road to Long Ago. Port Elizabeth: Bluecliff, 2008. ISBN 978-0-620-42163-8
• Standard Encyclopaedia of Southern Africa, deel 5. Kaapstad: Nasou, 1972. ISBN 0-625-00321-7