IATA-kode

in Wikipedia, die vrye ensiklopedie
Spring na: navigasie, soek

'n IATA-lughawekode, ook bekend 'n IATA-plekidentifikasie, IATA-stasiekode of bloot 'n plekidentifikasie, [1] is 'n drie-letter kode-aanwysing vir meeste lughawens regoor die wêreld, soos gedefinieer deur die "International Air Transport Association" (IATA).

'n Voorbeeld van hoe hierdie kodes alledaags gebruik word, is op die etikette wat by lughawens se inweegtoonbanke aan passasiers se bagasie geheg word. Die etiket vertoon die karakters van die bestemming (waarheen die bagasie op pad is) baie duidelik, bv. JNB vir Johannesburg.

Die toewysing van hierdie kodes word gereguleer deur IATA Resolusie 763, en dit word deur IATA se hoofkwartier in Montreal geadministreer. Die kodes word twee keer per jaar gepubliseer in die IATA Lugrederykodegids. [2]

IATA verskaf ook kodes vir spoorwegstasies en lughawehanteringsfirmas. 'n Lys van treinstasies met kodedeelooreenkomste tussen lugrederye en spoorweë soos Amtrak, SNCF French Rail en Deutsche Bahn is beskikbaar. Daar is ook 'n aparte lys van Amtrak-stasiekodes, 'n drie-karakter kode wat gebruik word deur Amtrak vir sy bedryf in die Verenigde State van Amerika en Kanada.

Verwysings[wysig]

Eksterne skakels[wysig]

Hierdie artikel is in sy geheel of gedeeltelik vanuit die Engelse Wikipedia vertaal.