Kapibara

in Wikipedia, die vrye ensiklopedie
Spring na: navigasie, soek
Kapibara
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Rodentia
Suborde: Hystricomorpha
Infraorde: Caviomorpha
Familie: Caviidae
Subfamilie: Hydrochoerinae
Genus: Hydrochoerus
Brisson, 1762
Spesie: H. hydrochaeris
Binomiale naam
Hydrochoerus hydrochaeris
(Linnaeus, 1766)
Die verspreiding van die kapibara
Die verspreiding van die kapibara

Die kapibara (Hydrochoerus hydrochaeris), ook genoem die watervark, is 'n semi-waterliewende, plantetende soogdier. Dit is die wêreld se grootse knaagdier. Die kapibara is endemies aan die grootste deel van die tropiese en matige gebiede van Suid-Amerika, oos van die Andes. Die dier is ook na noord-sentraal Florida en moontlik ander subtropiese dele van die Verenigde State ingevoer.

Die kapibara is die enigste lewende lid van die familie, Hydrochoeridae. Sommige wetenskaplikes beskou wel die dwergras, Hydrochoerus isthmius, as 'n geldige spesie. Die dwergkapibara is ongeveer die helfte so groot as 'n normale kapibara.

Die naam, "kapibara", is afkomstig van die Ou-Tupi woord, kaapĩ ûara ("gras-eter") of moontlik van die Guarani woord, kapiÿva, wat "meester van die grasse" beteken. In Afrikaans word daar soms na die dier verwys as die "watervark", 'n letterlike vertaling van die spesie se Latynse naam.

'n Vroutjie-kapibara saam met haar suigelinge.

Volwasse kapibaras is tussen 105 tot 135 cm lank en weeg tussen 35 en 65 kg. Behalwe vir hulle grootte, kan die voorkoms van die kapibara wel vergelyk word met dié van 'n marmotjie. Hulle is uitstekende swemmers en hulle pote het gedeeltelike swemvliese. Hulle voorpote het vier tone en hulle agter pote het drie tone elk.

Kapibaras spandeer die groot dele van hulle lewe in die water: hulle paar in die water en gebruik die water ook om te skuil van roofdiere soos anakondas, poemas, jaguars en ook mense jagters, deur vir etlike minute onder die water te bly. Hulle kan selfs onderwater slaap deur slegs hulle neuse bo die water te laat uitsteek vir vars lug.

Die diere behoort oor die algemeen tot troppe, alhoewel hulle soms in pare of enkellopend aangetref word. Die mannetjies het 'n klier op hul neuse wat 'n vloeibare feromoon vrystel. Tydens die paartyd vryf hulle die klier aan omliggende plante en blare in die hoop om 'n vroutjie aan te trek. Wanneer hulle nie in die water is nie, word hulle in en om rivierbeddings aangetref. Hulle eet soggens en saans en hul dieet bestaan hoofsaaklik uit rivierplante en bas.

Jong kapibaras is aansienlik ligter van kleur as die volwasse kapibaras.

Verwysings[wysig]

  1. Queirolo, D., Vieira, E. & Reid, F. (2008). Hydrochoerus hydrochaeris. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 5 Januarie 2009.
Commons-logo.svg
Wikimedia Commons het meer media verwant aan:
Kapibara (kategorie)