Katharina von Bora

in Wikipedia, die vrye ensiklopedie
Spring na: navigasie, soek
Katharina von Bora. Portret deur Lucas Cranach die Ouere, 1526. Kunsversameling in die Wartburg te Eisenach

Katharina von Bora, genoem Die Lutherin, * 29 Januarie 1499 op die landgoed Lippendorf suid van Leipzig, Duitsland; † 20 Desember 1552 in Torgau; was die eggenote van die Duitse kerkhervormer Martin Luther (1483-1546) en een van sy belangrikste raadgewers.

Katharina von Bora is in 'n verarmde adellike familie gebore en het op die ouderdom van tien tot die klooster Nimbschen toegetree. Onder die invloed van die Reformasie het sy saam met ander nonne na Wittenberg gevlug. In 1525 het sy met Martin Luther in die huwelik getree. Vir die egpaar is ses kinders gebore waarvan vier tot volwassenheid bly lewe het.

Tydens haar vlug voor die pes is Katharina von Bora, na wie dikwels as die "bekendste predikantsvrou ter wêreld" verwys word, in 1552 in Torgau oorlede.