Keiser van Indië

Die Orde van die Ster van Indië, wat gebruik is as wapen van die Britse heerskappy in koloniale Indië.

Keiser/Keiserin van Indië is gebruik as ’n titel deur die laaste keiser van die Moeghal-ryk, Bahadoer Sjah II, en weer deur die koloniale monarge van die Britse Ryk tydens die Britse heerskappy in Indië.

Die term verwys ook soms na Indiese keisers soos Asjoka die Grote van die Maoerja-dinastie en keiser Akbar van die Moeghal-ryk. Hulle het egter nie die titel vir hulself toegeëien nie.

Britse monarge

Britse monarge wat die titel Koning-keiser (Koningin-keiserin) van Indië gebruik het, is: Victoria, Edward VII, George V, Edward VIII en George VI.