Kwas (drank)

in Wikipedia, die vrye ensiklopedie
Spring na: navigasie, soek
’n Kwas-verkoper in Kaliningrad
Tuisgemaakte peperment-kwas

Kwas (Russies en Oekraïens: квас, Pools kwas chlebowy, letterlik "broodsuur") is ’n tradisionele, gegiste drank met ’n lae alkoholinhoud uit Rusland, Oekraïne en ander Oos-Europese lande, waar kwas-verkopers oral gesien kan word. (Uitspraak: kwas, soos in was met ’n "k" vooraan, nie met ’n "wh"-klank soos in verfkwas nie.) Die drank word gemaak van swart- of rogbrood en soms word vrugte of ment bygevoeg. Die alkoholinhoud is gewoonlik sowat 0,05-1,44% – laag genoeg sodat selfs kinders dit soms drink.

Vervaardiging[wysig]

Kwas besig om te gis

In Rusland is kwas al eeue lank ’n gewilde drank wat reeds in die jaar 989, in die tyd van Wladimir I van Kiëf-Roes, in Russiese geskrifte genoem is. Dit kan tuis gemaak of in ’n winkel gekoop word.

Dit word gemaak deur die natuurlike gisting van brood en word soms gegeur met vrugte, bessies, rosyntjies, ment of berkesap. Vir moderne kwas word dikwels swart- of rogbrood gebruik wat gedroog en dan gebak of gerooster word tot croutons. Suiker of vrugte word bygevoeg, asook ’n giskultuur en zakwaska (om die gistingsproses te begin).

Kommersiële kwas, veral die goedkoper soorte, word soms net soos ander koeldranke gemaak met suiker, sodawater, moutekstrak en geurmiddels. Die beter soorte, dikwels met bierhandelsname, gebruik gewoonlik variasies van die tradisionele proses. Kwas word ongefiltreer geskink, met die gis steeds daarin, wat dit sy unieke smaak en hoë vitamien B-inhoud gee.

Eksterne Skakels[wysig]

Commons-logo.svg
Wikimedia Commons het meer media verwant aan:
Kwas (drank) (kategorie)