Oekraïns
| Oekraïns українська мова |
||
|---|---|---|
| Gepraat in: |  Oekraïne Rusland Belarus MoldowaKazachstan Slovakië  Pole |
|
| Gebied: | Oos-Europa | |
| Totale sprekers: | 47 miljoen[1] | |
| Rang: | 26 | |
| Taalfamilie: | Indo-Europees Slawies Oos-Slawies Oekraïns |
|
| Amptelike status | ||
| Amptelike taal in: | Oekraïne | |
| Gereguleer deur: | Instituut van Oekraïns | |
| Taalkodes | ||
| ISO 639-1: | uk | |
| ISO 639-2: | ukr | |
| ISO 639-3: | ukr | |
 |
||
| Nota: Hierdie bladsy kan IFA fonetiese simbole in Unicode bevat. | ||
Oekraïns, ook gespel Oekraïens, is 'n taamlike groot taal in Europa, wat tot die Oos-Slawiese groep binne die Slawiese tale behoort.
Die taal word nie alleen in Oekraïne gepraat nie, maar ook in Wit-Rusland, Moldawië, Rusland en baie ander lande. Dit word soos Russies en Wit-Russies in die Cyrilliese alfabet geskryf wat met enkele spesifiek Oekraïnse tekens aangevul is.
In Oekraïne word naas Oekraïns ook die tale Russies, Krim-Tataars, Roemeens, Hongaars, Bulgaars, Pools, Duits, Wit-Russies, Slowaaks, Grieks en Roma gepraat.
Oekraïns is nou verwant aan Russies, maar voldoende verskillend om as afsonderlike taal beskou te word. Dit bevat 'n baie groot aantal Poolse leenwoorde, as gevolg van die feit dat Oekraïne eeue lank deel uitgemaak het van die Pools-Litause Gemenebes. In die suidoostelike helfte van die land oorheers Russies, in die noordwestelike helfte Oekraïens. Volgens die volkstelling van 2002 sou 67% van die burgers van die staat Oekraïns praat en 31% Russies.
In die tsaristiese Rusland was die skriftelike gebruik van Oekraïns (wat toe amptelik bekend gestaan het as die "Kleinrussiese dialek van die Russiese taal") verbode. Onder die Sowjetbewind het die taal beduidend meer erkenning gekry, maar het nog steeds teruggestaan vir Russies. Na die onafhanklikheid van Oekraïne (1991) is Oekraïns as enigste amptelike taal erken, waardeur die posisie van die taal aansienlik versterk is. In die praktyk beklee Russies nog steeds 'n baie belangrike posisie. Na beramings het sowat 90 persent van die bevolking kennis van albei tale.
[wysig] Sien ook
[wysig] Verwysings
 |
Vir woordeboekinligting, sien die bladsy Oekraïens op WikiWoordeboek |
