Lieweheersbesie

in Wikipedia, die vrye ensiklopedie
Spring na: navigasie, soek
Lieweheersbesie
Coccinella septempunctata
Wetenskaplike klassifikasie
Koninkryk: Animalia
Filum: Arthropoda
Klas: Insecta
Orde: Coleoptera
Superfamilie: Cucujoidea
Familie: Coccinellidae
Latreille, 1807
Subfamilies

Chilocorinae
Coccidulinae
Coccinellinae
Epilachninae
Scymininae
Sticholotidinae
ens.

Die Lieweheersbesie of Liewenheersbesie (ook soms 'n skilpadbesie of skilpadkewer genoem) is 'n lid van die familie Coccinellidae. Hierdie kenmerkende kewer word deur meer as 5 000 soorte verteenwoordig[1] wat regoor die wêreld versprei is. Lieweheersbesies is klein insekte met 'n lengte tussen 1 mm en 10 mm. Hulle is gewoonlik geel, oranje of rooi met rooi kolletjies op hulle vlerkdoppe en het swarte pote, kop en voelers. Sommige spesies is egter meestal of geheel en al swart, grys of bruin en word nie maklik deur die leek as Lieweheersbesies herken nie. Daar is ook ander klein kewers wat wel vir Lieweheersbesies aangesien word, maar dit nie is nie.

Scymnus sp01.jpg
Hierdie pikswart besies is weliswaar Lieweheersbesies,
Tortoisebeetle nagerhole.jpg
terwyl hierdie gekleurde besie 'n onverwante kewer is.

Lieweheersbesies word as nuttige insekte beskou, siende dat hulle plantluise en ander insekte vreet wat peste in tuine, boorde, op plase en soortgelyke plekke is. In sommige plekke word hulle doelbewus losgelaat as 'n natuurlike metode van pesbeheer.[2] Lieweheersbesies sal ook hulle eiers naby plantluiskolonies lê, sodat die pasgebore larwes 'n beter kans het om hul prooi te vind.

Bronnelys en verwysings[wysig]

  1. Judy Allen & Tudor Humphries (2000). Are You A Ladybug?, Kingfisher, p. 30
  2. Matthew Power, "Top Tech City: Minneapolis, MN", PopSci.com (http://www.popsci.com/scitech/article/2005-03/top-tech-city-minneapolis-mn?page=4), accessed April 19 2008