Lozère

in Wikipedia, die vrye ensiklopedie
Lozère (48)
Die ligging van Lozère
Gewes Oksitanië
Prefektuur Mende
Onderprefekture Florac
Bevolking 77 500 inw.
(2005)
Bevolkingsdigtheid 15 inw./vk km
Oppervlakte 5 167 vk km
Arrondissemente 2
Kantonne 25
Munisipaliteite 185
President van die
Conseil général
Jean-Paul Pourquier

Lozère (48) is 'n département in die suide van Frankryk en vorm saam met vier ander départements die région Oksitanië aan die westelike Mediterreense kus van die land. Die naam is afgelei van die bergreeks Mont Lozère, die hoogste in die Sentraalmassief (Frans: Massif Central) met 1 699 meter.

Met slegs 14 inwoners per vierkante kilometer is Lozère die mees yl bevolkte département van Frankryk. Die inwonertal het van meer as 150 000 in die 19de eeu tot minder as 75 000 in 1999 gedaal.

Geografie[wysig | wysig bron]

Lozère: Die Causse Méjean

Lozère se landskap word deur talle heuwels oorheers. Die département lê op 'n plato met 'n gemiddelde hoogte van 1 000 meter bo seevlak, met uitgestrekte kaal 3- en pragtige weivelde, wat in die somer met 'n oordaad bergplante soos arnika, gentiaan en peperment kan spog.

Geskiedenis[wysig | wysig bron]

Die "monster van Gévaudan"
Mende: Die brug Notre-Dame

Die département word tydens die Franse Rewolusie van 1789 geskep en beslaan 'n groot gedeelte van die voormalige bisdom Gévaudan in die provinsie Languedoc.

Die gebied verwerf in die 18de eeu bekendheid danksy "La Bête du Gévaudan", 'n wolf wat in die tydperk tussen 1764 en 1767 naastenby eenhonderd vroue en kinders aangeval en doodgebyt het. Vermoedelik is die wolf deur 'n waansinnige afgerig. Die historiese gebeurtenisse het onder meer as aanleiding vir die Franse rolprent Le Pacte des Loups gedien, wat in 2001 vrygestel is.

Die inheemse wolwe van die Sentraalmassief is lankal uitgeroei. Die soöloog Gérard Ménatory stig in 1962 die natuurpark Les Loups du Gévaudan, wat langs die Nasionale Roete 9 tussen die dorpe Marjevols en Aumont lê. Hier word Kanadese en Poolse wolwe "ingeburger". Die park met sy oppervlakte van vier hektaar, wat sowat 1 000 meter bo seevlak lê, bied 'n natuurlike omgewing vir die diere met koue winters en warm, droë somers. 'n Klein museum, La Maison du Loup (Die Huis van die Wolf), verskaf meer inligting oor die wolwe. Die reservaat word vandag deur Anne Ménatory bestuur.

Kookkuns[wysig | wysig bron]

Die Romeinse natuurwetenskaplike en skrywer Plinius prys in sy werk "Die Natuurgeskiedenis" reeds die kaassoorte van die Galliese provinsie Nemausus, en in die besonder dié van die dorpe Lesura en Gabalis, wat met die beste van die wêreld kan meeding.

Die huidige plaaslike kaassoorte soos die Bleu d'Auvergne, Cantal of Saint-Nectaire en die bergheuning van die gebied, die Miel des Monts de Lozère, kan dikwels nog as tuisgemaakte spesialiteite op die plaaslike boeremarkte gekoop word.

Die bekendste gereg van die streek, die Aligot, is 'n aartappelpuree, wat met Cantalkaas en knoffel afgerond word.

Eksterne skakels[wysig | wysig bron]

Die départements van Frankryk (Départements français)
Metropolitaanse Frankryk (France métropolitaine

01 Ain | 02 Aisne | 03 Allier | 04 Alpes-de-Haute-Provence | 05 Hautes-Alpes | 06 Alpes-Maritimes | 07 Ardèche | 08 Ardennes | 09 Ariège | 10 Aube | 11 Aude | 12 Aveyron | 13 Bouches-du-Rhône | 14 Calvados | 15 Cantal | 16 Charente | 17 Charente-Maritime | 18 Cher | 19 Corrèze | 2A Corse-du-Sud | 2B Haute-Corse | 21 Côte-d'Or | 22 Côtes-d'Armor | 23 Creuse | 24 Dordogne | 25 Doubs | 26 Drôme | 27 Eure | 28 Eure-et-Loir | 29 Finistère | 30 Gard | 31 Haute-Garonne | 32 Gers | 33 Gironde | 34 Hérault | 35 Ille-et-Vilaine | 36 Indre | 37 Indre-et-Loire | 38 Isère | 39 Jura | 40 Landes | 41 Loir-et-Cher | 42 Loire | 43 Haute-Loire | 44 Loire-Atlantique | 45 Loiret | 46 Lot | 47 Lot-et-Garonne | 48 Lozère | 49 Maine-et-Loire | 50 Manche | 51 Marne | 52 Haute-Marne | 53 Mayenne | 54 Meurthe-et-Moselle | 55 Meuse | 56 Morbihan | 57 Moselle | 58 Nièvre | 59 Nord | 60 Oise | 61 Orne | 62 Pas-de-Calais | 63 Puy-de-Dôme | 64 Pyrénées-Atlantiques | 65 Hautes-Pyrénées | 66 Pyrénées-Orientales | 67 Bas-Rhin | 68 Haut-Rhin | 69 Rhône| 70 Haute-Saône | 71 Saône-et-Loire | 72 Sarthe | 73 Savoie | 74 Haute-Savoie | 75 Parys | 76 Seine-Maritime | 77 Seine-et-Marne | 78 Yvelines | 79 Deux-Sèvres | 80 Somme | 81 Tarn | 82 Tarn-et-Garonne | 83 Var | 84 Vaucluse | 85 Vendée | 86 Vienne | 87 Haute-Vienne | 88 Vosges | 89 Yonne | 90 Territoire de Belfort | 91 Essonne | 92 Hauts-de-Seine | 93 Seine-Saint-Denis | 94 Val-de-Marne | 95 Val-d'Oise |  
Oorsese départements (Départements d’outre-mer
971 Guadeloupe | 972 Martinique | 973 Frans-Guyana | 974 Réunion | 976 Mayotte  
Andere oorsese gebiede:  
Oorsese kollektiewe gebiede (Collectivités d’outre-mer
Saint-Martin (collectivité territoriale) | 975 Sint Pierre en Miquelon (collectivité territoriale) | Sint Bartholomeus‎ (collectivité territoriale) | 986 Wallis en Futuna (territoire) | 987 Frans-Polinesië (pays d’outre-mer)  
Spesiaal statuut (Statut spécifique
Nieu-Kaledonië  
Onbewoonde gebiede (Territoires inhabités
Franse Suidelike en Antarktiese Gebiede | Clipperton

Die administratiewe verdeling van Frankryk: Régions - Départements - Arrondissemente - Kantons - Communes