Macaroni en kaas

in Wikipedia, die vrye ensiklopedie
Spring na: navigasie, soek
Macaroni en kaas, met 'n bros kaas- en broodkrummelkors wat met tamatie versier is. Sedanini is i.p.v. macaroni gebruik en spek is ook by die dis gevoeg.

Macaroni en kaas is 'n eenvoudige pastagereg wat gemaak word deur macaroni in 'n witsous te bak, met 'n gesmelte kaaskors bo-op.

Geskiedenis[wysig]

Die oorsprong van die dis word al dekades lank betwis: sommige mense beweer dat die Amerikaanse president Thomas Jefferson die dis aan die begin van die 19de eeu uitgevind het, terwyl sommige mense dit as 'n tradisionele Britse dis beskou. Ander weer, beweer dat die antieke Romeine, Arabiere of selfs die antieke Sjinese die dis vir die eerste keer gemaak het.

Bestanddele en voorbereiding[wysig]

Die basiese bestanddele van die dis is gekookte macaroni waarby 'n vorm van witsous gevoeg word (daar word gereëld kaas by die witsous gevoeg om 'n kaassous te vorm). Gerasperde kaas word bo-op gestrooi en dan word die dis vir een uur in 'n matige oond (180 °C) gebak. Die gereg word ook gereëld met tamatiesous bedien.

Variante[wysig]

Die gereg kom in baie gedaantes voor: soms word blokkies spek, maalvleis of groente by die macaroni gevoeg. Die sous kan ook vervang word deur gewone melk of room, of verryk word met kaas of mosterd. Broodkrummels kan ook bo-oor die kaas gestrooi word om die gereg 'n bros, krokante tekstuur te gee, of selfs gegeur word deur kruie of speserye (soos basilikum) by te voeg. Tamatieskywe kan ook bo-op die kors geplaas word.

Wanneer geen macaroni verkrygbaar is nie kan ander vorms van pasta ook gebruik word.

Bronnelys[wysig]