Mariinskiteater

in Wikipedia, die vrye ensiklopedie
Spring na: navigasie, soek

Mariinskiteater logo en.gif

Mariinsky Theatre, entrance.jpg

Mariinskiteater

Мариинский театр

Sint Petersburg
Vlag van Rusland Rusland



Opening

1860


Tipe

Opera- en balletteater


Sitplekke

1 625 & 2 000


Direkteur-generaal

Waleri Abissalowitsj Gergijef


Webtuiste
www.mariinsky.ru

Die Mariinskiteater (Russies: Мариинский театр, Mariinskij Teatr) is 'n historiese opera- en balletteater op die Teaterplein van Sint Petersburg, Russiese Federasie.

Ná sy opening in 1860 het die teater, wat deur die argitek Alberto Cavos ontwerp en oorspronklik na Maria Aleksandrowna van Hesse-Darmstadt, die gade van tsaar Aleksander II van Rusland vernoem is, die leidende musiekteater van laat 19de eeuse Rusland geword waar baie premières van meesterwerke gehou is, waaronder stukke van Tsjaikofski, Mussorgski en Rimski-Korsakof.

Ná die Russiese Oktoberrewolusie is die teater se naam in 1919 gewysig na GATOB (die Russiese afkorting vir "Akademiese Staatsopera- en -balletteater"). Later, in 1935, is dit na die vermoorde voorsitter van die Leningradse Sowjet, Sergei Mironowitsj Kirof, "Kirofteater" genoem. Sedert 1992 dra die operahuis weer sy oorspronklike naam en is die optreeplek vir die Mariinskiballet, die Mariinski-opera, en die Marrinski-orkes. Na sy ballet, wat amptelik as die Balletgeselskap van die Mariinskiteater bekendstaan, word in die buiteland soms nog as Kirofballet verwys.

Sedert 1988 fungeer die dirigent Waleri Abissalowitsj Gergijef as opvolger van Joeri Temirkanof as direkteur-generaal, artistieke direkteur en hoofdirigent van die Mariinskiteater. 'n Nuwe teatergebou, wat as tweede toneel van die teaterkompleks dien en teen 'n koste van meer as ZAR5 miljard ontstaan het, is op 2 Mei 2013 plegtig ingewy. Die teatersaal met versierings in blou, wit en goue kleure het 2 000 sitplekke.