Michael Blake
Michael Blake | |
|---|---|
| Gebore | 1951 Kaapstad |
| Genres | Klassieke musiek |
| Beroep(e) | Pianis, komponis |
| Instrumente | Klavier |
Michael Blake (1951-) ’n Suid-Afrikaanse pianis en komponis wat homself ná ’n internasionale loopbaan vir die bevordering van eietydse musiek beywer. Hy begin die New Music-konsertreeks (1998), die New Music Indaba-musiekfees (2000), asook die Growing Composers Project en die Bow Project, wat opdragwerk vir uitvoering aan swart komponiste bied. Blake het wêreldwyd erkenning vir sy eie komposisies (in verskeie genres) ontvang en was instrumenteel in Suid-Afrika se hertoetrede tot die Internasionale Vereniging vir Kontemporêre Musiek.[1] Sy werk is op 20ste-eeuse musiek gebaseer, maar ook sterk deur Afrika-musiek beïnvloed.
Lewensloop[wysig | wysig bron]
Blake is in 1951 in Kaapstad gebore, het op 9 klavierlesse begin neem, en het kort daarna begin komponeer. Hy het BMus aan die Universiteit van die Witwatersrand in Johannesburg studeer. In 1977 loods hy die eerste New Music-konsertreeks by die Markteater in Johannesburg met sy ensemble Moonchild. Hy verlaat Suid-Afrika egter in dieselfde jaar om diensplig te ontduik.[2]
In Londen studeer hy MMus en doseer hy aan die Goldsmiths College van by die Universiteit van Londen. Hy keer in 1998 na Suid-Afrika terug en gevestig hom in Grahamstad, waar hy komposisie doseer en direkteur is van die jaarlikse New Music Indaba, 'n fees van kontemporêre musiek.
In 1999, op die vergadering van die Internasionale Vereniging vir Kontemporêre Musiek wat in Boekarest gehou is, het Blake 'n suksesvolle bod vir Suid-Afrika se hertoetrede tot die vereniging gemaak. Hy was 'n stigterslid en voorsitter van die Suid-Afrikaanse affiliaal, NewMusicSA, en het ook daarna op die direksie gedien.
Verwysings[wysig | wysig bron]
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Biografie op bach-cantatas.com, besoek op 11 Januarie 2016
