Boekarest
vanuit Wikipedia, die vrye ensiklopedie.
| Bucureşti Bucureşti |
|||
 |
|||
|
|||
| Bynaam: Klein Parys, Parys van die Ooste | |||
| Slagspreuk: Patria si Dreptul Meu (My Land en My Reg) | |||
 |
|||
| Koördinate: | |||
|---|---|---|---|
| Land | Roemenië | ||
| Graafskap | Munisipaliteit van Boekarest | ||
| Gestig | 1459 (eerste amptelike rekord) | ||
| Regering | |||
| - Burgemeester | Sorin Oprescu | ||
| Oppervlak | |||
| - Stad | 228 km² (88 sq mi) | ||
| - Metro | 238 km² (91,9 sq mi) | ||
| Hoogte | 60 - 90 m (197–295 ft) | ||
| Bevolking (11 Julie 2007) | |||
| - Stad | 1 940 500 | ||
| - Metrodigtheid | 8 510/km² (22 040,8/sq mi) | ||
| Tydsone | OET (UTC2) | ||
| - Somer (DST) | OEST (UTC3) | ||
| Poskode | 0xxxxx | ||
| Skakelkode(s) | +40 21 | ||
| Nommerplate | B | ||
| Webwerf: www.pmb.ro | |||
Boekarest (Roemeens: Bucureşti Sjabloon:IPAudio) is die hoofstad en industriële en kommersiële sentrum van Roemenië. Dit is in die suidooste van die land geleë by 44°25′N 26°06′E, en dit lê aan die oewer van die Dâmboviţarivier. Dit het aanvanklik as die Dâmboviţasitadel bekend gestaan.
In vergelyking met ander Europese stede is Boekarest nie 'n baie ou stad nie. Die vroegste verwysing na die stad dateer uit 1459.[1] Sedertdien het die stad verskeie veranderinge ondergaan. Boekarest het in 1862 die hoofstad van Roemenië geword en geleidelik sy posisie in die middelpunt van Roemeense massamedia, kultuur en kuns verstewig. Die stad se eklektiese argitektuur verteenwoordig 'n mengsel van historiese, tussenoorlogse, Kommunistiese-era en moderne boustyle. In die tydperk tussen die twee Wêreldoorloë het die stad se elegante argitektuur en die gesofistikeerdheid van die plaaslike elite Boekrest die bynaam die "Parys van die Ooste" of "Klein Parys" (Micul Paris) geëin.[2] Hoewel baie geboue en distrikte in die geskiedkundige stadskern beskadig of vernietig is deur oorlog, aardbewings en Nicolae Ceauşescu se program van sistematisering, het baie behoue gebly. In die laaste paar jaar het die stad 'n ekonomiese en kulturele voorspoedgolf beleef.[3]
Volgens amptelike skattings het die eintlike Boekarest teen Januarie 2006 'n bevolking van 1 930 390 gehad.[4] Die stedelike gebied strek verby die grens van die stad self en het 'n bevolking van 2,1 miljoen.[5] As die satellietdorpe om die stedelike gebied ingesluit word het die metropolitaanse gebied van Boekarest 'n bevolking van 2,6 miljoen mense.[5]. Boekarest is die sesde grootste stad in die Europese Unie volgens bevolking.[4]
[wysig] Verwysings
- ^ Bucharest Travel Guide, Fodors
- ^ Bucharest, the small Paris of the East, on the Museums from Romania web site.
- ^ Bucica, 2000, p.6.
- ^ 4,0 4,1 Sjabloon:Ro icon INS, Government of Romania. ""Populatia Romaniei scade de la an la an"." URL besoek op 2007-03-07.
- ^ 5,0 5,1 Sjabloon:En icon XIX Meeting of METREX Network, Nürnberg, 15-18 June 2005. ""Bucharest: Few expectations for urban development", page 29." (PDF) URL besoek op 2007-03-07.
Amsterdam | Athene | Andorra la Vella | Belgrado | Berlyn | Bern | Bratislava | Brussel | Boedapest | Boekarest | Chişinău | Dublin | Helsinki | Kiëf | Kopenhagen | Lissabon | Ljubljana | Londen | Luxemburg | Madrid | Minsk | Monaco | Moskou | Oslo | Parys | Podgorica | Praag | Reykjavik | Riga | Rome | San Marino | Sarajevo | Skopje | Sofia | Stockholm | Tallinn | Tirana | Vaduz | Valletta | Vatikaanstad | Vilnius | Warskou | Wene | Zagreb
Hoofstede van afhanklike gebiede: Tórshavn
Hoofstede van omstrede gebiede: Pristina | Tiraspol
Hoofstede van: Afrika Asië Noord-Amerika Oseanië Suid-Amerika
