Paul van Griekeland

in Wikipedia, die vrye ensiklopedie
Spring na: navigasie, soek
Paul
Koning van die Hellene
Paul of Greece.jpg
Periode 1 April 19476 Maart 1964
Voorganger George II
Opvolger Konstantyn II
Huis Sleeswyk-Holstein-Sonderburg-Glücksburg
Vrou Prinses Frederika van Hannover
Kinders Sofia, koningin van Spanje
Konstantyn II van Griekeland
prinses Irene
Vader Konstantyn I
Moeder Prinses Sophia van Pruise
Gebore 14 Desember 1901, Athene
Oorlede 6 Maart 1964, Athene

Paul (Grieks: Παῦλος, Βασιλεὺς τῶν Ἑλλήνων, Pávlos, Vasiléfs ton Ellínon; 14 Desember 1901 – 6 Maart 1964) was van 1947 tot 1964 koning van Griekeland.

Kroonprins Paul en sy vrou, Frederika, in 1939.

Paul is op 14 Desember 1901 in Athene gebore as die derde oudste seun van Konstantyn I van Griekeland en prinses Sophia van Pruise. Hy was ’n agterkleinseun van koningin Victoria van die Verenigde Koninkryk en ’n kleinseun van koning George I van Griekeland, die Deense prins van Glücksburg wat in 1863 as koning van Griekeland gekies is.

Op 9 Januarie 1938 is Paul in Athene getroud met prinses Frederika van Hannover. Hulle het drie kinders gehad:

Van 1917 tot 1920 het Paul in bannelingskap saam met sy pa, Konstantyn I, gewoon. Van 1923 tot 1935 en van 1941 tot 1946 was hy weer ’n banneling, dié keer saam met sy broer, George II.

Bewind[wysig]

Paul het in 1946 na Griekeland teruggekeer en in 1947 koning geword ná die dood van George, wat nie kinders gehad het nie. In 1947 kon hy nie die huwelik van sy neef, Prins Philip, Hertog van Edinburg, met die toekomstige koningin Elizabeth II van die Verenigde Koninkryk bywoon nie omdat hy ingewandskoors gehad het.[1]

Teen 1949 was die burgeroorlog in Griekeland feitlik oor en het die ekonomie begin herstel. Diplomatieke en handelsbande het ook verbeter danksy Paul se staatsbesoeke oorsee. Hy was die eerste Griekse monarg wat ’n Turkse staatshoof besoek het.

Republikeinse gevoelens in Griekeland het egter al hoe sterker geword. Paul en Frederika is albei gekritiseer omdat hulle in die politiek ingemeng het[2] asook vir hul gereelde oorsese besoeke en die koste om die koningsgesin te onderhou.

Ná operasies in 1959 en 1963 is hy in Februarie 1964 weer geopereer, dié keer vir maagkanker, en hy is sowat ’n week later in Athene oorlede.[3] Hy is opgevolg deur sy seun, Konstantyn II.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Van der Kiste, John (1994). Kings of the Hellenes. Stroud, Gloucestershire: Alan Sutton Publishing. ISBN 0-7509-0525-5 p.177
  2. Woodhouse, C.M. Modern Greece: A Short History, Mackays of Chatham, Kent 1998, p.283, Clogg, Richard: A Concise History of Greece, Cambridge University Press, 1992, p.153
  3. Van der Kiste, p.183-184
Monarge van Griekeland
Huis van Wittelsbach  Otto
Huis van Glücksburg  George I · Konstantyn I · Alexander · Konstantyn I · George II · Paul · Konstantyn II