Otto van Griekeland

in Wikipedia, die vrye ensiklopedie
Spring na: navigasie, soek
Otto
Koning van die Hellene
Otto of Greece.jpg
Periode 6 Februarie 183223 Oktober 1862
Voorganger Geen
Opvolger George I
Huis Wittelsbach
Vrou Amalia van Oldenburg
Vader Lodewyk I van Beiere
Moeder Therese van Sakse-Hildburghausen
Gebore 1 Junie 1815, Salzburg
Oorlede 26 Julie 1867, Bamberg, Beiere

Otto, prins van Beiere of Othon, koning van Griekeland (Grieks: Ὄθων, Βασιλεὺς τῆς Ἑλλάδος, Óthon, Vasiléfs tis Elládos; 1 Junie 1815 – 26 Julie 1867) het in 1832 die eerste moderne koning van Griekeland geword volgens die Kongres van Londen, waarkragtens Griekeland ’n nuwe onafhanklike monargie geword het onder beskerming van die Verenigde Koninkryk, Frankryk en Rusland. Hy was van 6 Februarie 1832 tot 23 Oktober 1862 koning.

Biografie[wysig]

’n Romantiese uitbeelding van koning Otto met Griekse ruïnes op die agtergrond.

Toe Griekeland in 1832 deur die Kongres van Londen onafhanklik verklaar word, het Griekse diplomate na Europese monargieë gereis om ’n koning te vind. Min konings wou egter hul seuns na die onstuimige Griekeland stuur. Prins Leopold van Sakse-Koburg-Gotha en prins Frederik van Nederland is albei die troon aangebied, maar het dit van die hand gewys.

In 1832 het Griekeland wel ’n monargie geword met die 17-jarige prins Otto van Beiere, seun van Lodewyk I, as koning.

Die jong koning was nie die geskikte man om die verarmde, verwoeste land reg te ruk nie. Sy regering het aanvanklik onder leiding van ’n raad van drie Beierse hofamptenare gestaan, maar toe Otto meerderjarig word, het hy die regente afgedank omdat hulle ongewild was en hy het as absolute monarg regeer. Eindelik het sy onderdane se aandrang op ’n grondwet hom gedwing om in 1843 aan hul eise te voldoen.

Hy het egter ongewild gebly en net staande gebly danksy die Grieke se begeerte om die Bisantynse Ryk te herstel. In 1862 was daar egter weer eens ’n opstand en Otto en sy vrou, Amalia, het die land verlaat. ’n Rumoerige tyd het hierna in Griekeland gevolg.

Na sy vertrek is die 18-jarige prins Vilhelm van die Deense Huis van Sleeswyk-Holstein-Sonderburg-Glücksburg, die tweede oudste seun van koning Christiaan IX, as koning gekies. Hy het die troon bestyg as George I.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]
Monarge van Griekeland
Huis van Wittelsbach  Otto
Huis van Glücksburg  George I · Konstantyn I · Alexander · Konstantyn I · George II · Paul · Konstantyn II