Konstantyn II van Griekeland

in Wikipedia, die vrye ensiklopedie
Spring na: navigasie, soek
Konstantyn II
Koning van die Hellene
King Constantine.jpg
Periode 6 Maart 19641 Junie 1973
Voorganger Paul
Opvolger Monargie afgeskaf
Huis Sleeswyk-Holstein-Sonderburg-Glücksburg
Vrou Prinses Anne-Marie van Denemarke
Kinders Alexia
Kroonprins Pavlos
Nikolaos
Theodora
Philippos
Vader Paul
Moeder Prinses Frederika van Hannover
Gebore 2 Junie 1940, Athene

Konstantyn II (Grieks: Κωνσταντῖνος Βʹ, Βασιλεὺς τῶν Ἑλλήνων, Konstantínos Βʹ, Vasiléfs ton Ellínon; gebore 2 Junie 1940) was koning van Griekeland van 1964 tot met die afskaffing van die monargie in 1973. Hy was die sesde en laaste monarg van die Huis van Sleeswyk-Holstein-Sonderburg-Glücksburg en daar word gewoonlik in Grieks na hom verwys as ο τέως βασιλιάς ("die voormalige koning").

As ’n manlike afstammeling van koning Christian IX van Denemarke behou hy sy titel prins van Denemarke, hoewel die Griekse tak van die Deense troonopvolging uitgesluit is.

Vroeë jare[wysig]

Konstantyn is in Athene gebore as broerskind van koning George II en die oudste seun en erfgenaam van die koning se broer, kroonprins Paul. Sy ma was kroonprinses Frederika, die voormalige prinses Frederika van Hannover.[1] Sy ouer suster is Sofia, die huidige koningin-gemalin van Spanje, en sy jongste suster, prinses Irene, is ongetroud.

Hy was ’n jaar oud toe sy familie in bannelingskap gaan woon het in Egipte en Kaapstad, Suid-Afrika (waar sy jongste suster gebore is). In 1946 het hulle na Griekeland teruggekeer. Koning George is in 1947 dood, waarna sy pa koning Paul en Konstantyn kroonprins geword het.

Op 18 September 1964 is hy in Athene getroud met prinses Anne-Marie van Denemarke, suster van die huidige Deense koningin, Margrethe II.

Bewind[wysig]

Konstantyn het sy pa, Paul, in Maart 1964 opgevolg. Hoewel sy troonbestyging aanvanklik gunstig bejeën is, het sy bewind gou omstrede geraak. Sy ongewildheid het bygedra tot die politieke onstabiliteit wat gelei het tot die kolonel-staatsgreep van 21 April 1967. Die staatsgreep het nie veel regsgronde gehad nie, tot Konstantyn, as staatshoof, die militêre regering beëdig en dit so gewettig het. Dié stap is erg gekritiseer en op 13 Desember 1967 was hy verplig om uit die land te vlug ná ’n mislukte teen-staatsgreep. Hy het egter die de jure-staatshoof gebly tot 1 Junie 1973, toe die regering die monargie afgeskaf en Griekeland ’n republiek verklaar het.

Konstantyn het nooit amptelik geabdikeer nie. Hy gebruik nog die titel "koning Konstantyn", waarop hy volgens internasionale protokol aanspraak maak, maar nie meer "koning van die Hellene" nie. Sy titel word egter nie deur Griekeland erken nie. In 1994 is hy kragtens ’n nuwe wet van sy Griekse burgerskap ontneem. Hy mag ook nie ’n Griekse paspoort kry voor hy ’n van aanneem nie, wat hy weier om te doen.

Hy word dikwels in die Griekse pers gespot omdat hy homself koning Konstantyn noem. Van die byname wat vir hom gebruik word, is ο Τέως ("die voormalige", ’n term wat vir enige amptenaar gebruik word), "mnr. Glücksburg" en "Kokos", ’n onvleiende verkleiningsvorm van die naam Konstantyn. Hy word ook soms "Konstantyn die Kleine" genoem in teenstelling met die Romeinse keiser Konstantyn die Grote.

Hy en sy vrou woon sedert 1967 in Londen, maar hy mag sy geboorteland weer vrylik besoek en het selfs ’n stuk grond en huis buite Athene.

Kinders[wysig]

Konstantyn en Anne-Marie het vyf kinders:

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Monarchs In Waiting, pp.39-40

Eksterne skakels[wysig]

Commons-logo.svg
Wikimedia Commons het meer media verwant aan:
Monarge van Griekeland
Huis van Wittelsbach  Otto
Huis van Glücksburg  George I · Konstantyn I · Alexander · Konstantyn I · George II · Paul · Konstantyn II