Huis van Sleeswyk-Holstein-Sonderburg-Glücksburg

in Wikipedia, die vrye ensiklopedie
Spring na: navigasie, soek
Huis van Glücksburg
Royal Arms of Denmark (1903-1948).svg
Lande Duitsland, Denemarke, Griekeland en Noorweë
Hoof Christopher, Hertog van Sleeswyk-Holstein
Stigter Friedrich Wilhelm, Hertog van Sleeswyk-Holstein-Sonderburg-Glücksburg
Gestig 1825
Titels Hertog van Sleeswyk-Holstein, Koning van Denemarke, Koning van Griekeland, Koning van Noorweë

Sleeswyk-Holstein-Sonderburg-Glücksburg (Deens: Slesvig-Holsten-Sønderborg-Glucksborg), van Glücksburg in Noord-Duitsland, is ’n lyn van die Huis van Oldenburg wat afstam van koning Christian III van Denemarke. Sy lede sluit in die koningshuise van Denemarke en Noorweë, die afgesette koningshuis van Griekeland en die erfgename van die trone van die Verenigde Koninkryk en vyftien ander Statebondryke.

Hierdie spesifieke lyn kom van die Hertoë van Sleeswyk-Holstein-Sonderburg-Beck. Die laaste een van hulle het die Hertog van Glücksburg geword en sy titel verander na Frederik Wilhelm, Hertog van Sleeswyk-Holstein-Sonderburg-Glücksburg. Hy was getroud met prinses Louise Caroline van Hesse-Kassel, ’n kleindogter van koning Frederik V van Denemarke.

Nie Hertoë van Beck of van Glücksburg was soewereine heersers nie – hul grond was leengrond van die soewereine Hertoë van Sleeswyk en Holstein – die konings van Denemarke en (voor 1773) die Hertoë van Holstein-Gottorp.

Koninklike wapen van Denemarke.
Koninklike wapen van Griekeland (1936 – 1973).
Koninklike wapen van Noorweë.

Christian IX, die vierde seun van Frederik Wilhelm, is deur die kinderlose koning Frederik VII van Denemarke as opvolger gekies omdat Christian getroud was met Frederik se niggie, Luise van Hesse. Wilhelm, die tweede seun van kroonprins Christian en kroonprinses Luise, is op 30 Maart 1863 gekies as koning van Griekeland. Hy het George I van Griekeland geword. Sy pa het op 15 November 1863 koning van Denemarke geword as Christian IX. Prins Karel, die tweede seun van Frederik VIII van Denemarke, Christian IX se oudste seun, het op 18 November 1905 koning van Noorweë geword as Haakon VII. Christian IX se dogters Alexandra van Denemarke en Dagmar (wat Maria Fjodorowna geword het) het getrou met onderskeidelik Edward VII van die Verenigde Koninkryk en Aleksander III van Rusland. Teen 1914 was Christian IX se afstammelinge net so algemeen op Europese trone as dié van koningin Victoria.

Konings van Denemarke, 1863 – hede[wysig]

Christian IX van Denemarke 1863 – 1906.
Frederik VIII van Denemarke 1906 – 1912.
Christian X van Denemarke 1912 – 1947.
Frederik IX van Denemarke 1947 – 1972.
Margrethe II van Denemarke 1972 – hede.

Konings van Griekeland, 1863 – 1973[wysig]

George I van Griekeland 1863 – 1913.
Konstantyn I van Griekeland 1913 – 1917, 1920 – 1922.
Aleksander I van Griekeland 1917 – 1920.
George II van Griekeland 1922 – 1924, 1935 – 1947.
Paul I van Griekeland 1947 – 1964.
Konstantyn II van Griekeland 1964 – 1973.

Konings van Noorweë, 1905 – hede[wysig]

Haakon VII van Noorweë 1905 – 1957.
Olav V van Noorweë 1957 – 1991.
Harald V van Noorweë 1991 – hede.

Verwysing[wysig]

Hierdie artikel is merendeels vertaal vanaf die Engelse Wikipedia-artikel [1]
Regerende dinastieë in Europa
België (België) • Bernadotte (Swede) • Bourbon (Spanje) • Grimaldi (Monaco) • Liechtenstein (Liechtenstein) • Nassau-Weilburg (Luxemburg) • Oranje-Nassau (Nederland) • Sleeswyk-Holstein-Sonderburg-Glücksburg (Denemarke/Noorweë) • Windsor (Verenigde Koninkryk)
Tydens die 20ste eeu onttroon: Bragança-Wettin (Portugal) • Habsburg (Oostenryk-Hongarye) • Hohenzollern (Duitsland) • Hohenzollern-Sigmaringen (Roemenië) • Karađorđević (Joego-Slawië) • Osman (Turkye) • Romanof (Rusland) • Sakse-Koburg en Gotha (Bulgarye) • Savoje (Italië/Albanië/Kroasië) • Sleeswyk-Holstein-Sonderburg-Glücksburg (Griekeland/Ysland) • Wittelsbach (Duitsland/Denemarke/Noorweë/Swede/Griekeland) • Zogoe (Albanië)