Perm (geologie)

in Wikipedia, die vrye ensiklopedie
Spring na: navigasie, soek
Periode/
sisteem
Epog/
serie
Tydsnede/
etage
M. jaar
gelede
Trias Vroeg Indusium jonger
Perm Lopingium Changhsingium 252,2–254,1
Wuchiapingium 254,1–259,8
Guadalupium Capitanium 259,8–265,1
Wordium 265,1–268,8
Roadium 268,8–272,3
Sisuralium Kungurium 272,3–283,5
Artinskium 283,5–290,1
Sakmarium 290,1–295,0
Asselium 295,0–298,9
Karboon Pennsylvanium Gzhelium ouer
Die verdeling van die Perm (IKS).

Die Perm is die laaste geologiese periode van die Paleosoïese Era en strek van die einde van die Karboon sowat 298,9 miljoen jaar gelede tot die begin van die eerste periode van die Mesosoïese Era, die Trias, sowat 252,2 miljoen jaar gelede.[1] Dit het in 1841 sy naam gekry van die geoloog sir Roderick Murchison en is genoem na die antieke koninkryk Permië. Dit is ook die laaste chronostratigrafiese sisteem van die Paleosoïese erateem.

In die Perm het die vroeë Amniota verdeel in die voorouers van die soogdiere, waterskilpaaie, Lepidosauria en Archosauria. Daar was in dié tyd ’n enkele kontinent, Pangaea, wat omring was deur die oseaan Panthalassa. Die uitgebreide reënwoude van die Karboon het verdwyn en groot, droë woestyne het ontstaan in die middelste dele van die kontinent. Reptiele, wat beter kon aanpas by die droë toestande, het begin oorheers in die plek van hul amfibiese voorouers.

Die Perm en die Paleosoïkum het geëindig met die Perm-Trias-uitwissing, die grootste massa-uitwissing in die Aarde se geskiedenis. Byna 90% van die seespesies en 70% van die landspesies is uitgewis.[2] Die Aarde sou eers weer ’n ruk ná die begin van die Trias van dié katastrofe herstel.

Verwysings[wysig]

Eksterne skakels[wysig]

Voorafgegaan deur Proterosoïese Eon Fanerosoïese Eon
Paleosoïese Era Mesosoïese Era Kainosoïese Era
Kambrium Ordovisium Siluur Devoon Karboon Perm Trias Jura Kryt Paleogeen Neogeen Kwartêr